Ka Hae Hawaii, Volume 4, Number 12, 22 June 1859 — Beri-Eleele Lautona. [ARTICLE+ILLUSTRATION]

Beri-Eleele Lautona.

He lehulehu na hua ono ma Amerikahui, aole i pau i ka helu ia. UIu wale kekahi mau hua, ma na ululaau a mē na aina imahi ole ia; a ua mahi ia na hua maikai loa maloko o na kihapai o kanaka. A mawaena o na hua i mahi ia e ka poe mahi hua, .0 ka beri-eleele Laulona’kekahi hua maikai loa. Eia kona ano, e like me ke kii maluna nei. He hua eleele, hinuhinu, a ono maoli i ka ai ana. O ka nui 0 kekahi o ia mau hua, be hookalii iniha a hookahi me hap&lua iniha paha ke ana waena. He 30 a 40 beri ka nui

o piha i ka hakeke liilii hookahi paina; a o na hua nui, he 20 a 25 wale no ika paina, Maluna o ka laau hookahi, he 500 a hiki-i ka 1000 paha na hua i ka manawa hookahi. Nui na ano okoa o na beri-eleele, me na inoa ponoi no kela ano keia ano; aka, okeia berieleele Laulona, ka mea i oi ka maikai mamua o lakou a pau. He hua ia kupono no na aina anuanu iki, na aina hoilo anuanu me ka hau; ina nae e manao ia e kaau ma keia pae aina, aia paha ma na aoao o na mauna, mauka iho o na ululaau, na wahi kupono.