Ka Hae Hawaii, Volume 4, Number 22, 31 August 1859 — No na ilio i make iho nei. [ARTICLE]

No na ilio i make iho nei.

E ka Hae Hawaii e : Aloha oe: — Aia i ka la iwakaluakumamalima iho nei, hu mai ko’u aloha i na ilio, i ka’u ike anu aku ia lakou e waihe make ana, a e ona ana hoi kekahi poe ilio, me he poe kanaka lā i i ka bia, a me he poe hula !a ika haa mai io aia nei; pela okoa iho la no na ilio i make i ka hanai malu ia i ka mea make, a nolaila, ke mauao nei au, ua kue keia mea, nana o hanai malu nei i ka mea inake i na ilio, i ke kanawai o ka aina.no ka mea, ke olelo nei ke kanawai.ua malu ke kino o ke kanaka, malu pu me kana mau mea A pehea keiae hana ia nei, e pepehi waie nei i na holoholona i auhau ia e ke Aupuni ? Ake poho nei ke Aupuni no ka popehi wale ia o keia mau puu dala a ke Aupuni. Ake manao nfei no hoi au aole paha i pau ka minamina o kekahi poe i ka lakou mau ilio; ke noho nei no paha lakou me. ke aloha i ka iakou mau ilio. No ke alohā io no i lilo ai ke dala a ka poe mea ilio i kela makahiki keia makahiki. Olelo kekahi ppe ua like ka hanai ana o ka ilio me ke keiki, noiaila, ua nui ke aloha o ka poe mea ilio i ka lakou mau ilio, no ka mea, aole lakou i pauaho i ka lakou mau ilio i ka uku ana a me ka hanai ana. A i ka’u ike ana i na ilio i make, ua like me na kanaka i make i ka mai puupuu liilii, i ke kau iho no o kekahi maluna o kekahi, pela na ilio i luku wāle iho nei, me he poe la iloko oke kaua ka pepehi wale ia iho no. Nolaila, e hiki paha i kela kanaka keia kanaka, ke nana pono a ike pono i ka mea nana e hanai nei i ka mea make i na ilio, alaila, e hiki no ke hoopii, o komo auanei keia mai luku iloko o na kino o kpnaka, a like me ka mai Hebera. Oia la i ii/he, ena makamaka. Honolulu, Aug. 26, 1859. T.G.A. Ea, e T. G. A., auhea oe, ua oiaio kau olelo no na ilio i māke iioko o keia mau la i hala iho nei, he nui na ilio i make, he haneri paha, he mau haneri paha; aka hoi, makehewa ka minamina no lakou ; no ka mea, aole waiwai iki lakou, he mau mea lapuwale. Ina ua make na ilio a pau o ko Hawaii nei pae aina, aole hookahi koe, ina ua pomaikai paha keia lahui. “Ua like ka hanai ana o na ilio mo ke keiki, nolaila nui ke aloha i na ilio.” Pela no paha, a oia no ka hewa. Malama nui na kanaka i ka lakou mau ilio, aole pela i ka lakou mau keiki; nui ke aloha i na ilio, a he hapa ke aloha i nakeiki. Aole minamina ke dala auhau no ka ilio, nui nāe ka minamina ke ano pi o lakou, ke makemake ke kai wahi hapaha no na palapala kula. Nolaila, e waiho i na iiio lapuwale a e malama nui i na keiki, me ke aloha a me ke ano makua maoli. Eia ka hewa nni o keia pepehi ana o£ a ilio, o ka hoolei ana aku ika mea make iloko o na pa halo, a make pu na ilio maikai me na ilio lapuwale; ua hew* ia. Malama pahā o make auanei kekahi keiki i keia hana ino ana.