Ka Hae Hawaii, Volume 4, Number 24, 14 September 1859 — Pau ka Pilikia. [ARTICLE]

Pau ka Pilikia.

E ka Hae Haieaii c : Aloha oe:— Ua paa ke alahaka o Wailuku, ma Hilo, nona na tausani dala eha ($4,000) i noi ia.ma ka Ahaolelo i hala iho nei. O ko makou la i hoomaka’i ka hele ana, o ka la 3 iho nei o Sepeteraaba, raa na lio kahi poe, ina ka hele wawae kahi poe. He nuhou keia i ko Hilo nei, o ka paa ana o ka wapo, a pau ka piiikia iwaena o makou. . O ka hana ana, ua hanaia no ma ke ano nihopaka aka poe akamai o Amerika. O keia paa, he paa oiaio no, a maloeloe hoi, kupono no na lio, kaa, ia mea aku ia mea aku; aole nae pono no ka holo nui ana o na lio, ma ke ano uhaiiha, a hana lealea wale, e like me ka hana naaupo mau iwaena o kahi poe Hawaii. Akahi no a kau ka uluna, o Welehu ka malama, pau ka makau, o ka liiki mai o ka wa ino o ka hooilo, a me na kuaua wainui o ke kau. .... Aole no ko Hilo nei*wa!e no keia pomaikai, i lokomaikaiia mai e ke aupuni, aka, no kakou, e ka poe a pau e hele ana i Hilo nei, no na kamaaina me na malihini. J. A. KAELEMAKULE. Wainaku, Hilo, Sep. 5, 1859.