Ka Hae Hawaii, Volume 4, Number 25, 21 September 1859 — Untitled [ARTICLE]

E ka Hae Hawaii e: Aloha oe ;—He wahi ukana ka’u e hooili aku nei ia oe, a nau ia e hali hele aku ma kela wahi keia wahi o keia Aupuni, i ike ka lehulehu. Eia ka’u mea e ninau aku ia oe, no ka hana a kekahi mau luna e ohi nei i ka hapaumi a na kanaka, i kela la keia la, i ko lakou maauaua ana maloko o ke kuianakauhale o Honolulu nei, i ka poi, a me ke akaakui, a me ke kulina, a me ka uala, a me ke kapiki, na ohia, a me na mea kupu e aei kupono i ke kuai aku ma keia kulnnakauhale, a mc kela mea keia inea kuai. He pono anei keia ohi ana a keia mau luna i ka hapaumi a kela kanaka keia kanaka e imi ana nona iho, a no kona ohana, a no hai kekahi, maloko o ke kulanakauhale nui o Honolulu nei, ma na wahi i papa ole ia e ke kanawai ho ka makeke ana ? Ahe kanawai anei o ke aupuni e olelo ana, e ohiia ka hapaumi a na kanaka e maauaua ana malokoo ke kulanukauhale nei a nia na alanui, i ka poe e noho kuai ana ma na huina o na ala, a me ka poe e lewa hele ana i na mea kuai ma na ai ? He hana pono anei keia a rae ka pololei ? Aua ku anei i ke kanawai keia hana ana a keia mau lunaohi hapaumi ? Ea ! he hana hookaumaha wale keia, a me ka hao wale i ko kanaka pono, i ae maikai ia mai e ke kanawai. O keia hana aha peia, aole no mamuli o ke kanawai i kauia e ke aupuni, mamuli no paha o ka makemako o na luna, ina aole au i kuhihewa ike kanawai. Aua nui ka hoopaapaa ana o na luna me na kanaka ma keia hana ohi hapaumi. Kainoa no paha ua pau ka pouli o ka wa kanawai ole, a ua malamalama la hoi ika wa kanawai. Aole ka ! E hoopuka koke mai oe, i ike ka lehulehu. E aloha auanei. P. PUAA. Honolulu, Sept. 19, 1859. i EP. Puaa, Aole au i ike ke Kanawai e papa ana’ku i ke kuai ana o ka poe mahiai i i ko lakou mau mea ulu ma ke alanui, a o kei ia poe ohi.au i oleio ai, he poe powa paha i' lakou.