Ka Hae Hawaii, Volume 5, Number 7, 16 May 1860 — Ka poe i loaa ole ka Hae. [ARTICLE]

Ka poe i loaa ole ka Hae.

Ke paipai mai nei ka Luna Hooponopono o ka Hae Hawaii, i na Luna, e huli hou i ka poe makemake e lawe i ka Hae Hawaii. He wahi manao kanalua ko’u no ia mea. O ka poe i nele, ua nele no lakou no ko lakou hoomaauea, a palaka, a hoihoi ole no. Eia ka mea kupono paha, ke ae ka poe noi hope, e lawe oia i ka pepa e pai hope ia ana, mahope iho o ka hiki ana mai o kona inoa, a o ko lakou mau inoa paha i ka Luna Hooponopono, a e auhau ia ekolu keneta no ka pepa hookahi, a pau na pepa i koe o ka Hae o keia Buke V. Ua loaa ole no nae ia ia, a ia lakou paha na pepa o ke Helu 1, 2, &c., mai minamina lakou i na pepa i hala. E hoahewa iho no ka manao i ka lohi ana, a pau e i ka poe hiki mua, ua lohe no lakou i kekahi olelo kahiko, “ Na ka oioi mua no ka loaa,” hoomaauea nae lakou ia olelo, a hoopohala, me ka hoopanee, a nolaila, ua nele. Ua oi aku ko lakou pomaikai i ka lawe ana i na pepa i koe, minamina i na pepa uuku i hala, a haalele hoi. J. H. K. Luna Hae. Maunalua, Oahu, Mei 3, 1860.