Ka Hae Hawaii, Volume 5, Number 7, 16 May 1860 — Ka Lili. [ARTICLE]

Ka Lili.

Ua lili loa o Beritania a me Farani kekahi i kekahi. Manao kekahi poe o Beritania, ua makemake loa ko Farani e kaua. Ke hooikaika nei laua e kapilipili i na moku manuwa, a e kukulu i na pakaua, a ke hana nui nei no hoi i na pukuniahi nui loa a lehulehu. Kokoke 700 ka nui o na maouwau Beritania, a pela no hoi ko Farani. Olelo o Napole ona, aole manao oia e kaua ; aka, kuhi kekahi poe he alapahi ia. O keia hoomakaukau nui nae, he hoailona ia o kekahi mea nui e hana ia ana, a he aka no hoi ia, i hoolei e ia mai ai, o na mea e hiki koke mai ana.