Ka Hae Hawaii, Volume 5, Number 11, 13 June 1860 — He wahi kanikau Aloha no ka mea Hanohano J. W. E. Malkai. [ARTICLE]

He wahi kanikau Aloha no ka mea Hanohano J. W. E. Maikai.

Kanikau la he Aloha, Nou e J. W. E. Maikai, He aloha no ka Uhane, I ka hele hookahi aohe lua, Kuu hoa o ka malu o Hale Alii, Ka welona a ka Haekalaunu nui, Oia Hale ike ole i ka luhi, Aohe mea like aku me oe, Kuuhoa o ka La a kanaka nui, O ka leo o ka Pu ka’u Aloha, I ke kuikui lua mai a Kalola Kahea o Kawelohea i ke kai, He Uwe helu mai Abigaila, Aloha ino no kuu Hoapili, Kuu inea minamina nui o ke kane, Kuu makua o ka noho ana, Auwe, a’u Lani a’u milimili, Eia ke kanaka la ua hele, Haalele i ka pili a maua, Pauaho mai nei ia olua, O’u Haku a’u Lani leo ole mai, Mea nui ke kanaka na olua, Haalele i ka leo i ka pane ae, Ua hele i ke ala hoi ole mai, Auwe kuu Lei kuu Kamaiki, O ka nui a maua me ke Kane, Kamakahi ae na’u me ia la, Eia ka makua la ua hele, Ua pau ka onina ka ikena mai Ua haalele mai ia kaua, Pale Kau Pale Hooilo ke Aloha. M. KA. Honolulu, Iune 7, 1860.