Ka Hae Hawaii, Volume 5, Number 13, 27 June 1860 — Oki ia i ka Ekalesia Roma. [ARTICLE]

Oki ia i ka Ekalesia Roma.

Ua oleloia iloko o na Nupepa i hiki hope mai nei, ua oki ka Pope, oia hoi ke poo o ka ekalesia o Roma, i ka poe a pau e kokua ana mamuii o ke kuokoa ana o kona aina, i kapa iaka *• Romagna;”oia kona aina ponoi. O ke Alii nui o ke Aupuni o Sardinia kekahi oia poe; a nolaila oia kekahi oki ia, Ua hooliloia lakou a pau i ka poino ame ka make o ka uhane, mai ke poo a i ka wnwae, a me na lala a pau o ke kino; aole koe; ka lauoho, na maka, na pepeiao, na manamana a peia aku, ua pau i ka hoopoino ia.