Ka Hae Hawaii, Volume 5, Number 13, 27 June 1860 — Ka haunaele ma Roma. [ARTICLE]

Ka haunaele ma Roma.

Ua oleloia iloko o na Nupepa, nui ioa ka haunaele ma ke kulanakauhale o Roma, ina lialia, ika la 19'o Maraki iho nei. Eia ke kumu o ka haunaele; ua hoolaha kekahi poe makeinake i ke kuokoa o ko larkou aupuni, a pau hoi ko lakou noho ana malalo o ka Pope, i ka lakou olelo paipai i na kanaka e kuai i ka pu i mea e holo ai ka lakou hana; o Garibaldi ko lakou Alihi. kaua. No keia olelo hoolaha, pihoihoi ke aupuni, a hopu hoi ika poe paipai. Ika akoakoa ana o ka poe pualu e imi i ke kuokoa o ke Aupuni, e hauoli ana lakou no ka hui ana o kekahi mau moku o halia, ma ke ano kuoka. Piha loa ke alanui o Roma i na kanaka, a me na kaa ho; o na wahine kekahi, a o na koa Farani wale no e ku ana e hoomalu, a ua no ka hele ana; a o ka lele mai no ia o na koa o ke Aupuni iwaena o ka lehulehu me ka hoopilikia ia lakou. Oka pepehi no ia i na kanaka i o ia nei, na kane, na wahine, a me na koa o Farani kekahi. A loha na koa o Farahi e noho ana ma Roma, i na kanaka no ka pepehi wale ia, a kokua no hoi e hoopnkele ia lakou. Ua nui no nae ka poe make i na koa o ke Aupuni o Roma.