Ka Hae Hawaii, Volume 5, Number 43, 23 January 1861 — Aihue. [ARTICLE]

Aihue.

He nui wale ka aihue ma Honolulu nei i neia manawa, a ua komo lakou iloko o na hale ikeaoa i ka po, me ka wiwo ole. I kekahi poo kela pule ae nei, ua komo kekahi aihue iloko o kekahi hale kahi e noho ai he wahine haole, a huli oia iloko o na pahu a me na ume a pau ; a ia manawa puoho mai la ka wahine i ka walaau, a lalau ae la ka aihue i kona lima a paa, a kapapa oia me kona lima malalo o ka uluna, a malalo hoi o ka moe e imi ana i ke daia, aole nae i loaa, a o ka holō aku no ia ; o ka waki gula uuku wale no ka i loaa ia ia. I ka po o ka poalua, o kela pule, ua komo kolohe ia o Holehae, a ua aihueia he kanalima dala. ' Ua komo hewa ia hoi ka hale noho o ke Komiaina Farani e kekahi aihue i kekahi po koke aku nei, a aneane pomaikai nui wale ua aihue nei, no ka mea, ua loaa ia ia ka puu daiu nui, a e holo aku ana oia ; aka, o ka hoohu e ia ana mai e ua Komiaina nei ka hewa, a ua hopu ia oia a hoopaa ia iloko oka Halewai. O ka aihue ana o na noho lio kekahi mea e heoaia nei e ko kakou poe puni lauoho pokopoko a me ka noho ana iioko o kela hale naoi ma Kawa. Ua aihueia i elua noho lio i keia mau ia i hala ae nei ; kekahi no Keonimiki, a kekahi hoi no ka haole hoolimalima lio ma Kaopuaua. Aole no e liuliu paha, a e hopuia auanei ua poe kolohe nei, a e uku ia aku iakou e like me ka lakou hana. “He kaula loihi no ka ke kaula me ka piko ole.”