Ka Hae Hawaii, Volume 5, Number 49, 6 March 1861 — Pakele mahunehune i ke ahi. [ARTICLE]

Pakele mahunehune i ke ahi.

I ka po o ka poakolu, Feb. 26, ua hoao makehewa kekahi mea e pupuhi i ke ahi ika hale humuhumu buke ma Kawaiahao. Ua ike ia kn ula o ke ahi e malamalama mai aua oloko o ka hale e kekahi mau kanaka e manlo ana i ke ahiahi, a i ka halua ana iho, loaa iho la i kahi puolo opala laau kamana e a mai ana. Ua naha kekahi aniani, a malaila no i kiloi ia ai ke ahi, a komo iloko. 1 ka po o ka poalima iho nei, oia hoi ka la mua o Maraki, i ka hora 8 o ke ahiahi, oiai i ulua ia mai kekahi poe iloko o ka lurui malalo o ka hale pule ma Kawaiahao, ua puhiia i ke ahi kekahi mau puolo pili e waiho la malalo o ua hale pule nei, me ka manao e hoopau ka hale ike ahi. Ua ike .ia mai nae e ka makai olaila mamua o ka mahuahua loa ana ae, a kinai ia iho ia. He pakele mahunehUng io maoli no ia o ua hale pole nui nei.