Ka Hoku o Hawaii, Volume XII, Number 5, 4 July 1918 — HOOPAI IA O LUNAPAAHAO J. P. HALE [ARTICLE]

HOOPAI IA O LUNA PAAHAO J. P. HALE

Ma ka nupepa puka la namu o ka Poalima o ka pule i hala, i ike iho ai makou i ka hoopa‘i ia ana e ka Hope Lunapaahao o Hilo, oia o J. J.P. Hale e ka Lunakanawui Apana Osorio, a o ke kumu o keia, ho‘opa'i ia ana, ma muli no ia o kona,a pepehi ana i kekahi paahao Potoriko. Ma ka hoike a ka mea kakau o kela aupepa namu puka la, ua ku‘i ia ka maka poino mua o kela paahao. Pokoriko, ana hoopoino hou ia kela maka i poino mua o ka Pokoriko.

Ma ka hoike a na paahao hoike, ua olu mai keia pilikia mawaena o ka Lunapaahao me ka paahao mamuli o ka imi ia ana o ka baka ma kona pakeke, a ua lilo paha keia i mea huhu no ka paahao, a ulu mai

la ka pilikia, a ia manawa i haawi ai o J.P Hale i kekahi puupuu mahanahana i ka maka o ka paa-

hao, a o ka hope ‘o ia ha‘awi, ana i na "ai o wahie,'' ‘o ia no ka ho‘opoinio ia ana o kela maka i poʻino mua o ka pa‘ahao, a mahope o kela ho‘opoʻino ia ana o ka pa‘ahao poʻino, ua ho‘opa‘a ia ʻo ia ma kekahi lumi pa‘ahao me ka ha‘awi ʻole ʻia o kekahi kokua lapa‘au i kona maka no na la elua, a ua lohe ʻia ae la keia lono i waho o ke kulanakauhale o Hilo, a ua ha‘awi ae la o Loio A.G. Correa i kona kokua me ka ʻuku ʻole, a e lawe ana hoʻi i kela hihia hoʻeha Imua o ka Aha Apana o 'Hilo Hema. Ua ho‘olimalima pu no ho‘i ka Lunapa‘aha J.P. Hale ia Loio H.L. Ross i Loio pale ma kona ʻaoʻao, a mahope o ka lawe ʻia ʻana mai o na hoʻike lehulehu mai waena mai o na poʻe pa‘ahao, ua ho‘okau aku la ka Lunakanawai Osorio i ka hoʻopaʻi o $50.00 me ka ʻuku pu i na koina o ka Aha maluna o ka Lunapa‘ahao hoʻeha pa‘ahao. E hoʻea loa aku ana paha keia hana imua o ka Makaʻi nui Sam Pua i kona wa e hoʻi mai ai, ʻoiai, ua ka‘awale aku ka Makaʻi nui i keia mau la ma na ʻapana kua‘aina aku nei o kakou.