Ka Hoku o Hawaii, Volume XVI, Number 4, 22 June 1922 — KA AHAHUI KAAHUMANU (Kakauia mai e Hattie Saffery) [ARTICLE]

KA AHAHUI KAAHUMANU (Kakauia mai e Hattie Saffery)

Ma ka Lapule o ka la 11 o Iune ua malama ae na makuahine ame na kaikamahine o ka Ahahui Kaahumanu he halawai hoomanao a me ka luau ma ka home o ka Peresi dena, Mrs. Jennie K. Saffery, ma Kapulena. Ma ka hoa 10 o kela kakahiaka ua hoakoakoa ae la ka Peresidena ina Lala apau i hiki mai, maloko o kona lumi hookipa. A iloko o kela anaina pu ke Kahu o ka Ekalesia o o Hamakua Komohana, Rev. L. Kakani ame Judge R. H. Makekau. Hoomaka ia na hana me ka himeni "Hoonani i ka Makua mau". Pau ia pule pualu ia ka pule a ka Haku. Mahope o ka pule, ua himeni ia mai "Iesu no ke Kahuhipa, me ka nani oia, ua piha pono na leo apau. Mahope o keia himeni ana i hooakaka mai ai ka Peresidena he mau manao pokole no na mea i hoolala ia no kela la. Ua hooakaka mai oia i ka Kaahumanu mau mea i hana ai no kona Lahui. Oia hoi i ka hoohulu ana i kona Lahui e ike i ka nani o ke Akua, e pule iaia, ae hoopau i ka hoomau ana i ka hoomana kii. Ua loaa mai ia ike o Kaahumanu i ke Akua mai na makua Misionari mai. Ke o nei keia inoa o Kaahumanu iloko o keia Teritori. Ua hoo?a?a mai oia i na lala e nee imua iloko o na hana me ka huki like. Ua kamailio pokole ae oia no Kamehameha. Pau kana kamailio ana ua ku ae o Mrs. H?ina a kamailio ae maluna o ka moto o keia Ahahui "Onipaa ma ka pono" Maikai kona mau manao apau. O Mrs. Chas. Notley kekahi i ku ae a kamailio pokole maluna o ke kulana o keia Ahahui ana i hoomaopopo ai. Oiai he uuku na lala aia nae ua hooholo mua ia na hana o keia Ahahui mamuli o ke alakai maikai ana a ka Peresidena i na hana e pono ai keia Ahahui. O ka huki like o na lala apau iloko o na hana ka mea e holomua ai na hana apau. Mahope o ka Mrs. Notley kamailio ana, ua noi ia o Hattie Saffery e kamailio. Ua hooakaka ae oia i kona manao maluna o ke aloha ana i kekahi ame kekahi, ka hoomanawanui ana e auamo i na hana maikai ma na mea apau iwaena ona makuahine Hawaii. Na ka Rev. Kakani kekahi mau manao maikai a naauao loa i lohe ia. O kana poo manao maluna no ia o ka noho "Aloha ana e Ionatana ame Davida". Ua nui ka maikai o kana wehewehe ana i na manao. Piha i na mea naauao, ka hohonu ka ike i ka hoopilipili ana ina manao i loaa ia oe, ka hoomaopopo ana mae ka ike i ka io o kona manao i mea e hoolaula ia ae kou manao e ka mea e hoolohe ana. Ua pomaikai makou i ka loaa ana o kekahi Kahu naauao e like me Rev. Kakani. Ua hoolana a ua kuhikuhi mai oia ina lala a pau i ke alahele e holomua ai kekahi mea. Maluna no ia o ke aloha, ka makemake ana i ka pule mau ana aku i ka Haku Iesu, a nana no e kakoo mai i ka hooholomua ana i na hana maikai apau. Ua hoomaikai ia ae ke Kahu no kana mau olelo maikai ????. Ua kua ae ka Lunakanawai R. H. Makekau a nana mai kekahi mau manao maikai a hoolana nohoi. Ua olelo ae oia i kekahi mau mea a Kaahumanu i olelo ai "E nana oluolu mai oe iaʻu e Iesu". Ua olelo mai la oia i na lala o ka Ahahui Kaahumanu apau e hoomau i ka nana oluolu ana me ke aloha pu. Ua hoomaikai ia ae kana mau olelo maikai. Ua hooki ia keia hana me ka himeni ana o na mea a pau ia Hawaii Ponoi. Mahope o ka hoomaba ana o na mea apau no ka hapa hora ua makaukau ka papa aina me na mea ai like ole i hoo makaukau ia. I ka hora 12 ponoi ua akoakoa ae la na mea apau ma ?? i o ke pakaukau. Na REv. Kakani i hoomaikai ae i ke Akua no na mea maikai apau ana i hookipa mai ai ma kela papaaina. Ua noho iho na mea apau e hoopiha i ko la kou opu me na mea ai ono. O na poe i akoakoa mai ma keia papaaina oia no o Rev. Kakani, R. H. Makekau, Mrs. Saffery, Mrs. Chas. Notley, Mrs. ? H????, Auna Notley Mrs. Nancy Kealoha, Mrs. L. Kahana, Mr. ame Mrs. R. Duvachele, Mi??? Kahana, James C. Kamakaiki, ame kon ohana i ?iki, ame Misses Hattie, Jennie, ame Kaleinani Saffery.