Ka Hoku o Hawaii, Volume XVII, Number 35, 24 January 1924 — NA POKOLU—A—KAENA—O KANE [ARTICLE]

NA PUKOLU —A —KAENA—O KANE

He mau "Ha" keia ekolu o keia loko, oia hoi kahi e komo ai ke kai iloko o na loko, a e puka ai no hoi ka wai o na loko iwaho a hui pu me ke kai. I ka wa kai nui pii mai la ke kai ma na "Ha," a no ka hu'ihu'i o ke kai pikokoi aku la ka i'a a piha na "Ha" hele a hooku'i ka i'a, a no ka hooku'i o ka i'a, hele a kole ke poo a nawaliwali ka i'a, a ike ke kiai loko ia ano i'a, ua kioe ia i ka upena holoholo a lawe ia aku la e ai, a oia ka mea i olelo ia ai. "O ke ola noia o ke kiai loko." Ua oleloia, aia ma keia mau "Ha" aia maia wahi ke kuula, oia hoi, he wahi hooulu i'a a maia wahi e hanaia ai na hana hoomana hooulu i'a, a hoolaupa'i a hoomomona hoi i ka i'a o ka loko, hele ka momona o ka i'a a like me ke kelekele o ka puaa.