Ka Hoku o Hawaii, Volume XVII, Number 35, 24 January 1924 — KANIKU A ME KANIMOE [ARTICLE]

KANIKU A ME KANIMOE

He mau moo keia, he mau wahine u'i a o laua na moo kupa o keia loko o Wainanalii, a no kela moo ka inoa i kapaia ai keia na-pele o ke a o kaniku a hiki i keia la. I ka wa i kahe ai ka Pele a pau keia loko pookela a uhiia i ke aa-pele a nalowale kona mau wai i piha i na i'a momona, he mau lau, mano a kini ka nui, a oia "aa" ia a ku nei a hoea i keia la a ka hanauna hou e nana aku nei me ka maopopo ole iaia, ana paha e manao iho ai he "aa" pele keia mai kinohi loa mai o ka hookumu ia ana o ka honua, a aole he wai ma keia wahi mamua. O Kaniku, a me Kanimoe, na moo kino lepa, ua lilo i mau pohaku, a eia no ua mau pohaku nei ke ku nei a hiki i keia la, iwaena o ke "aa" e moe like ana ua mau phaku nei ma kahi hookahi a oia ka meai oleloia ai.

"Pupuwale kau wahi He-a wale kau nooe I moe au i Kanika Iwaenakonu o ka ino." Aole i pau