Ka Hoku o Hawaii, Volume XVII, Number 39, 21 February 1924 — UA MAKEMAKE NA WAHINE E NOHO KIURE [ARTICLE]

UA MAKEMAKE NA WAHINE E NOHO KIURE

Honolulu, Feb. 15----- Ua hoike ae nei ka Hai League o ua wahine koho barota o Honolulu, i ko lakou makemake e loaa ia lakou ke kuleana e noho i mau kiure no kekahi mau hihia ma Hawaii nei, oiai, ua loaa hoi ia lakou ka pono koho barota piha, a ua loaa pu no hoi ia lakou ka mana lawelawe oihana, a lilo paha i Hoa no ke Ahaolelo o Hawaii nei, nolaila, ua manao lakou he kuleana pu hoi ko lakou e noho pu me na kane ma ma hihia imua o ka Aha Hookolokolo Kiure. O ke kumu paha o keia hiki ole ia lakou e noho i keia manawa, oia no ka hooluli ole ia o na olelo o keia Kanawai e wehewehe ana i ke kuleana o ka poe e lilo i Kiure hookolokolo no ka aina. E lilo ana paha keia i hoololi kanawai i ka manawa e noho hou mai ai ka Ahaolelo Teritori i keia Kau Ahaolelo e noho mai na i keia makahiki ae.