Ka Hoku o Hawaii, Volume XVII, Number 39, 21 February 1924 — I HAWAII PAHA E MALAMA IA AI [ARTICLE]

I HAWAII PAHA E MALAMA IA AI

Honolulu, Feb. 15 - Ua loaa mai nei i ka "Nupepa Star Buletina" mai kona mea kakau mai Wakinenekona mai, ae hoike mai ana i ka manao o ka Oihana Kaua moana o Amerika, no ka malama ia o na hana hoomaamaa kaua nui ma na kai o Hawaii i ka makahiki 1925. A ia nae hoi ka holopono o keia manalo i ke kokua mai o ka Aha olelo Lahui, a hookaawale ia kekahi puu dala kupono no ka aila hoa o na mokukaua e komo pu ana i kela hana ma kela hookahakaha kaua hoomeamea o na {illegible} lehulehu o Amerika. Ua hoike pu ae la imua o ke Komite Oihana kaua moana o ka Ahaolelo Lahui o Adimarala Eberle ao ke poo hoi i manao ia nana e hoolala kela hana hookahakaha o ko Amerika mau Mokukaua, ae kakoo ana i ka manao hookahakaha ma Hawaii nae hoi e malama ia ai ka hookahakaha ana. I na io no hoi e holopono keia manao ana, alaila, e lilo ana ia i mea ano nui loa no Hawaii nei, ae lawe mai ai paha i na poe kaulana o na aina e i Hawaii nei, a lu iho hoi i na kenikeni no ka pomaikai o Hawaii nei.