Ka Hoku o Hawaii, Volume XVIII, Number 12, 14 August 1924 — Na Hoonanea o Ka Manawa [ARTICLE]

Na Hoonanea o Ka Manawa

(Kakauia no Ka Hoku o Hawaii E Ka Ohu Haaheo I na Kuahiwi Ekolu) Na la laki a pomaikai o ka hanau ana o na keiki ma kela a me keia Mahina a puni ka makahiki. Mamuli o na mea i huli ia a i ini nui ia e na poe kilokilo a huli ina mea huna a hoike ia e na poe kilo hoku o na au i hala, ua olelo ia he iwakaluakumamalua mau la laki a pomaikai iloko o na malama he la o ka makahiki. No na hana Kalepa o kela a me keia ano, na lulu hoa, oia hoi ke kanu ana i na mea kanu, kukulu hale a mea hana e ae paha, hua kaihele paha ma na wahi a pau, aole e nele e uhai ia no me na pomaikai a laki. O na keiki a pau e hanau ana iloko o kekahi o keʻa mau la aole o lakou wa e nele ai e pili mau ana ka loaa me lakou a hiki i ka hopena o ko lakou ola ana, a loa o ka mea e hoomaka ana a lawe-

lawe i kekahi hana iloko o keia mau la, e uhai aku no na pomaikai ma kona mau kapuai, a oia mau la oia iho keia malalo iho KE KILOHANA POOKELA NO KA LAHUI HAWAII nei. January 3, a me 13, oia na la pomaikai iloko o keia mahina. Febuary 5 ame 28, oia na la laki a pomaikai iloko o keia mahina.

Maraki 3. 22 a me 30, he ekolu lala ki a pomaikai iloko o keia mahina. Aperila 5, 22, a me 29 ekolu la laki a pomaikai iloko o keia mahina. Mei 4, 28, elua la laki a pomaikai iloko o keia mahina. June 3, ame 28 elua no la pomaikai a laki iloko o keia ma hine. July 12, 15, a me 19, oia na la laki a pomaikai iloko o keia malama. Augate 12, he hookahi wale no la laki iloko o keia mahina. Sepatemaba 1, 7, 24, me 28, he eha la pomaikai a laki iloko o keia mahina. Okakoba 4, me 15, elua la laki a pomaikai ikoko o keia mahina. Novemaba 13, me 19, oia na la laki a pomaikai iloko o keia mahina. Dekemaba 23, me 26, oia ma laki a pomaikai iloko o keia mahina. A i ka houluulu ana i keia mau la a pau e loaa no ka huina he iwakaluakumamalua la i oleloia he mau la e halawai ai me ka uliapomaikai o ke ola ana o ke kanaka. He mea pono e hoomaopopo ia ka oiaio a me ka pololei o na hoike ouli o keia mau la, i mea e loaa ka oiaio a me ka pololei o na hoike ana o keia mau la, a ike ia ka nana huna pohihihi e moelohi nei iloko o na la o keia me keia mahina a puni ka makahiki e like me na mea i huli ia e ka noeau o ke kanaka elike me na olelo a Solomona ka noeau e olelo ana. "He mea nani i ke Akua ke huna i kekahi mea, a he mea nani i [illegible] ke imi aku." Ka Helu malama a me ka papainoa o ke Kau ana o ka Mahina a Puni ka Makahiki. O ka helu malama o ka makahiki a me ka helu kau o ka mahina o ko Hawaii nei paeaina i ka wa kahiko, oia kekahi o na helu lahui e aneane e nalowale loa ka hoomaopopo ia e ka hanauna hou o keia au e nee aku nei, ina aole e [illegible] mau aku ana na Kupuna a me na makua o lakou na poe kahiko i loaa ia mau mea e ola nei i keia la, a e koe kakaikahi nei i keia wa. He pohhihi na kuhikuhi no ka hiki pono i ke au malamalama o ka Naauao ke alakai ia malalo oia mau kuhoaka, aka, oia nae ka mea i hoohanaia e na kanaka i kapaia na hupo o Hawaii ma ka noeau i ka helu po me ka ohe nana ole, no ka pololei o ka lakou mau kuko ana, ma ke kau ana o ka mahina a helu ia ka helehelena o na po me ka manao io hana iloko o na mahele ekolu i kapaia. 1. Na po kapu o na Aumakua. 2. Na po hele lawaia. 3. Na po pili i ka oihana mahiai. Iloko oia mau helu ana ma ka ikemaka nana i ka mahina, na ao opua a me na hoku ma ka helehelena o ko lakou kau ana a me na kaho aku. Mamuli o nna hilinai me na apono i haawi ia no ia poe kilolani a me ka pilipono ana o ka lakou mau kuhikuhi olelo, no na mea i olelo ia ai hooko ia ka nee ana a me na mea e hiki mai a na hope. Ei no ka papa inoa helu mahina like ole me ka helu kaulana mahina o na mokupuni o kela paeaina i ke au kahiko. Aole i pau. £*l*i*kikv\ Ut «*«i u k« ahi t a atii o*i n** ®'»>aaa Aupoel 0 km HmmUi o lUli**!. «Mn«c «ku I n« 4ak Upoho o kt om keU «kMk «hi e ut; Lan «Uul«au 4 i« « k« H< ro luia i k*a <&ai e» ĪmU o U « k»* t»ftUk4*w