Ka Hoku o Hawaii, Volume XIX, Number 26, 17 November 1925 — KEKAHI MAU OLELO NOIAU O "HOONAUEUEIHE." (Unuhi ia e James N. K. Keola) [ARTICLE]

KEKAHI MAU OLELO NOIAU O "HOONAUEUEIHE." (Unuhi ia e James N. K. Keola)

Aole i kaupalena ia ke kulana o ke aloha (oluolu,) Ua haule mai e like me ka ua kilihune mai ka Lani mai, Maluna o ka aoao ma lalo. Ua hoopomaikai papalua mai, Ua hoopomaikai ia ka mea haawi ame ka mea e lawe ana, He ikaika iloko o ka ikaika oi kelakela. E lilo auanei, Ka Moi ma ka noho kalaunu i mea oi ae maluna o kona kalaunu O kona lei-alii ka hoailona o kona mana kino, Na kipona o ka weli ame ke kulana anoanoa alii, Ilaila e halii ai na manao hopo me ka makau i na alii, Aka o ke aloha aia maluna ae o na aha o na alii, Ua noho alii ia iloko o na puuwai o na Moi, He alana i ke Akua ponoi, A e ane like aku na mana honua me ko ke Akua I ka wa e kaana like ai ka oluolu me ke kaulike. Nolaila e ka Iudaio, Oiaio o ka pono kaulike kau noi e hoomanao i keia, Ma ke ala o ka pono kaulike, aole o kakou mea, E ike i ke Ola, e pule no kakou, no ka maluhia, A na ia hauna pule hookahi no e ao mai ia kakou apau. E hana i na hana a ke Akua. Ua lawa ka'u kamailio ana, I kui lima pu ai ke kaulike me kau noi,

A ina oe e hooko, Aole e nele keia Aha kuio o Venice nei. E haawi i ka olelo hooholo kue i ke kanaka kalepa ma o ia. Mele 116 E kuu aloha, e komo ae kaua a e kali i ko lakou hoea mai. Aka, mai nana ia mea, heaha auanei ka kaua e komo ai? Ua hoike mai kuu hoaloha Kepano, ea, Aia iloko o ka hale ke kali mai la kou haku wahine, A e puana ae i kau leo nahenahe Ui ka nanea a ka mahina konane kapa ma-wai. E noho kaua maanei, a hoolono i ka pa malie mai o na leo mele, Iloko o ko kaua pepeiao, O ka noho malie ame ka pouli uhipaa Na mea nana e hipuu na kipona waianuhea. E noho e Jessica. E nana aku i ka papaku o ka Lani Ua kinohinohi ia me na pa gula olino. Aole hookahi hoku ukulii au e ike aku ia i nele Iaia e nee ana me he la he anela e mele ana E makaleho mai ana i na maka popohe o ke kama. Oia ano nahenahe aia iloko o na uhane mau loa, Aka oiai keia uhi hapaupau pau wale

E apo kalakalu ana i ke kino, aole kakou e lohe, Hele mai, e hoala aku ia Diana me na leo mele E hookomo aku i na leo nahenahe i ka pepeiao o kou haku, A e umu mai iaia i ka home nei me na leo mele. Mele 117 JESSICA Aole o'u olioli ke lohe aku i na leo mele nani. LORENZO O ke kumu no ka moe-kahi loa o kou noonoo. E nana i na puulu holoholona ahiu a piena. A i ole na lio keiki i pa mua ole i ka lima, E lele ana, e uwo ana, a e uwe leo nui ana, No ka oni mai o ka lakou koko wela, Ina lakou e lohe iki i ka leo o ka ka ole, A pa paha ko lakou pepeiao i na leo mele, E ike auanei oe i ko lakou ku like mai, A lolianoe ae ko lakou mau maka weli i nana ina olu

E ka mana kaohi puuwai o na mele lea. Nolaila ka haku mele I paha ai, ua umo mai o Opeusa i na laau, pohaku me waikahe, Oiai aole mea piha uahoa, oolea, a piha i ka ena, Aka e hiki no i na leo mele e hoololi ae i ko lakou ano. O ke kanaka i nele i na leo mele iloko ona, A i hooni ole ia hoi oia e na leo mele hooniua puuwai, Ua kupono oia no na hapa kipi na pahele a hana hao-wale, O na oni ana o kona uhane ua hoopoi inaia me he po la, A o kona mau halialia ua ha--paupau like aku me Milu, Mai hilinai aku la ai o kanaka Ke kani mai la na leo mele.