Ka Hoku o Hawaii, Volume XXIII, Number 38, 4 March 1930 — POULI KA OHU O NA KUAHIWI EKOLU [ARTICLE]

POULI KA OHU O NA KUAHIWI EKOLU

Mr Lunahooponopono, Ua haalele mai la i keia ola mau leu!e ana o Ikaaka Heremona W. Kihe, ao ka mea kakau moolelo kaulana hoi ike ia iloko o kau nupepa ma ka Moolelo kaulana o "Kamiki" a o kekahi no hoi o na loea kakau nupepa i ike mau ia ma ka inoa kapakapa "Ka ohu Haaheo iluna o na Kuahiwi Ekolu". Ua haalele mai la oia i keia ola ana ma ka la 17 o keia mahlna o Feberuari, a kamoe aku la kona alahele ma ke ala-hele hoi ole mai. A mahope hoi o kona kaamai ana no na makahiki loihi i hala

ae nei. Ua hala mua kana wahine ma kela mau mahina i hala aku nei, a ua ukali aku ae hoi oia mahope oia mahope oia meheu hookahi. He ehiku [mahina] o ka hala ana aku nei o ka wahine, a ukali aku la no hoi oia ma ia meheu hookahi.

He mea oia i kamaaina i kou mau kolamu o ka Hoku o Hawaii i na manawa i kaahope aku nei, a he [loea] hoi ma ke kakaumoolelo no Hawaii nei, a na kana peni no hoi [i] hoike aku imua o kou poe heluhelu a "Ka Hoku" kekahi mau wahi kaulana o "Kekaha wai ole o na Kona nei. Ua hala oia me ka hoopuni ia o kona moe mai hope e i kona ohana mai Keei mai, a ua hookuu aku la hoi i kona mau luhi o ka noho honua ana me ka hoopuni ia e na mea aloha ma keia aoao o ka muliwai o ka make. Aloha no ia hoaaloha o makou ma keia aina aloha o "Kekaha wai ole o na Kona. O wau iho no me ke aloha, SOLOMONA ALOHIKEA

He HoaAloha oia no makou iloko o na makahiki loihi i hala aku nei, a ua ike io ia no ma na kolamu o "Ka Hoko o Hawaii" kekahi mau mea hou mai kana peni mai, he kanaka hoi i kamaaina i na hana Kalaiaina no na makahiki lehulehu, a ke hoomanao nei no makou i kona kulana ku ma ka aoao Rebupalika no na makaiki hope mai o kona ola ana. Aloha no ia kamaaina o na Kona, ao kahi hoi a makou e kipa aku ai i kekahi mau manawa lehulehu. Ke hoomaikai aku nei ka Lunahooponopono o "Ka Hoku o Hawaii ia oe e Solomona Alohakea ana mai i ka hala ana o keia hoa o kakou iloko o na hana Kalaiaina o na aoao Kalaiaina o kakou. Na ke Akua no e hoomaha mai i kona ohana kaumaha. Ke hele liilii nei, Na hoa o kakou Aohe kaula e paa ai, E mokn ana no. L.H. Kia ke Kakanieka o k« Pfipa Hawaii Rev H.P.Judd i Kokala Akau, i keia man lft, ae lawelawe aaa i aa hana Haipule iloko o ka Ekalesla • Kokola Ak*n, a haia loa »al i Haaiakaa, a koea 16« aku ( aa Kona i k«kaki manawa • kk pale I hala iho la.