Ka Hoku o Hawaii, Volume XXIV, Number 13, 16 September 1930 — "KA LEO O KA LEHULEHU" "KA LEO O KA LEHULEHU, O KA LEO IA O KE AKUA" [ARTICLE]

"KA LEO O KA LEHULEHU"

"KA LEO O KA LEHULEHU, O KA LEO IA O KE AKUA"

Malalo o keia kukulumana'o i hoea a'e ai o Inoa Ole ma ka nupepa Hoku o ka malama o Sepatemaba, la 9, 1930. Ke olelo nei oia: u O ka _Leo ia o ke Akua." Ma ka'u huli ana iloko o ka Buke Hemolele, aole loa i loaa ia'u keia mau hopunaolelo; a, ma ka'u huli ana i ka mea i kakau ia e ka lima o ke kanaka, loaa aku la ia'u keia mau hopunaolelo Latina, penei: "Vox populi, vox Dei. n O keia mau hopunaolelo i kahakaha ia e ka lima o ke kanaka, he mau hopunaolelo hoi'no keia i ka inoa laahia o ka Makua Kiekie loa; a no ka mea, ina lanakila kekahi mea mamuli o na olelo hakuepa, hoopunipuni, apuka; hoe-

haeha i kona hoakanaka, opukopekope, hoomalimali, a olelo i na oleio a ka moonihoawa; a, haalele i ke kahua o ka oiai'o, e kukulu ai i ke kalaimana'o ana; alaila, o ka "Leo anei ia o ke Akua? " 0 ka Leo o ke Akua, ua paa, aole e hiki ke hoololi ia; a, no ka mea, ua kukulu ia mluna o ka oiaio ame ka pono. Ka'oka'o keia mau huaolelo a Inoa Ole, penei: <4 0 ka Leo keia oka lehulehu, a oka leo keia oke Akua. No ke aha keia hoole i ka leo o ka lehulehu, ]ca leo oke Akua?" Ke nana mai nei o Mose ia oe me ka ehaeha, ka mea nana i hoolaha mai i na kanawai o ke Akua ma ka Mauna o Sinai, i kou uhaki ana i ke kanawai i palapala ia "Mai hoino oe i ka inoa o kou Haku kou Akua," a pela wale aku. Na kuu hoahanau na Senatoa Kiwini keia Kanawai, a i waiho a e oia i keia kanawai imua o ka Ahaolelo me kona mana'o kui'o o ke aloha no'u i ke kau o 1927; a, aole oia i waiho a'e i keia kanaw r ai imua oka Ahaolelo me ka manao e kipaku ia'u mai ka oihana a'e, a'u hoi i hoopakele a'e ai i ke

Kalana no ekolu makahiki i ka huina o $>12,600.00. Aole i pane mai kuu hoahanau ia'u e ku oe a hele pela; aka, o oe a me kou mau paalalo keia e hoao mai nei e kipaku ia'u mai ka hana a'u e paa nei, a i haaheo ai ho'i kuu lahui no ia mea; a mamuli o keia kukulu manao au, ke ku mai nei ke akaku o ka haalele ana i ka hana au e paa nei q uku ia nei oe i ka huina o $2,400.00 o ka makahiki. Ke nonoi nei au i kuu lahui o ka i'o ponoi e noonoo oukou me ke akahele; a aole loa e pono e punihei i ka mali leo a ka A'o, o papapau auanei kakou he aa ko ka hale. Mai hoino oe i k inoa "o kou Hsīku kou Akua." Me ke aloha ia oe e Mr. Lun'ahooponopono. Owau iho no me ka haahaa, ke kauwa a ka lehulehu i na kau a kau. SAMUEI7K. PUA, Mahalo Nui.