Ka Hoku o Hawaii, Volume XXXIV, Number 3, 17 May 1939 — Holo Ka Bila Limu [ARTICLE]

Holo Ka Bila Limu

Ma ka Poakolu aku nei i kakau inoa ia ae ai ka pila i lilo aku i mea paio nui ia iloko o ka Aina Senate, oia hoi ka pila limu, e Kiaaina Poindexter. Ua kau ia ae kela pila e na poe kue o ka "Hupo loa" o ke kau, eia nae hoi o ka makua o keia pila o Senetoa Charles Silva ame kona poe kakoo ua hoike ae he mea keia e hoomau ia ai ka oihana i'a Teritori. E hoakaka ana keia pila e papa ana i na poe lahue e no ke kii ana i ka limu mai ke kai mai a koe nae hoi no na mea ai ma ka home a i laau paha. Ua hoike ae na makua o keia pi-la la no ke kii ana o na lahui e moku i ka limu i mea hanai i ka puaa, a ua hoike ae eia ke nalohia aku nei ka i'a mai na kahakai ae mamuli o ka nele ana i ka limu. Ma ke kakahiaka o ka Poakahi iho la i hoonauwe ia ae ai o Hilo e ke ola a he ikaika maoli no ka ne'e ana Aoie nae lie mea i hoopoino ia. Ma na lono i hoikeia mai ua hiolo aku kekahi aoao o ka lua o Pele.