Ka Hoku o Hawaii, Volume XXXV, Number 45, 5 March 1941 — KA OLELO HAWAII [ARTICLE]

KA OLELO HAWAII

Ua hookomo ia aku la e Lunamakaainana TKomas: Pedro, Jr., ma kela Peaha aku nei, he bila iloko o ka Halei o na no ka lawelawe ia iloko o na kula aupuni ka olelo Hawaii, ma ke kukai kamailio anaj heluhelu a kakau ana ma kahi o ke 45 minuke ka haa-| haa, ma kahi kahua home hookuonoono a hoopulapulaj paha malalo o ke komisina Home Hawaii. O ka manawa e lawelawe ia nei i keia manawa he 10 minuke wale no. He pila maikai keia a Pedro i hookomo aku la 4 a e .hoike mai ana nohoi ia i kona makee ana i ka olelo makuahine a kakou. I wahi e mau ai keia olelo e kaulana nei, aole he kumu kupono e ae e mau ai kona laha ana aka ma keia kumu waie ae la no e like me ka Pedro i manao ai pono. 'Ua hoala mua ia no keia hana e George Mossman, a eia hoi keia Hawaii ke hookomo nei i wahi e lilo ai i kanawai, a o ka hopena aku oia, aole e hiki i kekahi keiki j Hawaii ke hoopalaleha wale no a hoao ole e olelo, heluhe- J lu a kakau. i

Ke imi nei nohoi makou e holo mai keia pila, i ai i na Hawaii ke ike a hoomaopopo maoli i lva lakou olelo; makuahine. Aole no he hana maalahi ka olelo ana i ka oleio Hawaii e like me ka kekahi poe i manao wale ai, aka, he paakiki a kuhohonu ke ano. O ka hoomaopopo pu ana kekahi i ka manao ame ke kaona.o ka olelo Hawaii- He nui no nā Hawaii e manao nei ua )awa ko lakou mau ike a makaukau i ka olelo makuahine, aka nae, hoi, aole. He nui no na poe e mele nei i na mele Hawaii, aole nae he hoopuka pololei ia o kekahi mau huaolelo, a, i ka wa e lohe ai ka poe ike a makaukau e eha ana ko | lakou pepeiao. . ] O ka manawa maikai keia e hoala ia ai keia hana,! no ka mea ke pau aku nei ko kakou mau Hawaīi kahiko i makaukau i ka olelo Hawaii i ka hele ma ke ala hoi ole ( mai. . Ke haawi nei makou i ko makou mahalo' ia oe e Hon. Thomas Pedro, Jr. no keia pila au i hookomo aku| la, a he mea hoi na kekahi mau Hawaii e ae iloko o ka, ahaolelo e kakoo aku ai, aole hoi o ka hapai mai i na mea| pilī kino a kalaiaina paha a havile keia pila maikai.