Ka Hoku o Hawaii, Volume XXXVI, Number 15, 6 August 1941 — He Kaao No Kaulu [ARTICLE]

He Kaao No Kaulu

Mahope o keia ola hou ana o Kaeha ia Kaulu, hoi mai la laua i Oahu nei e noho ai. A hiki laua ma Moanalua, i Papakolea, hoonoho o Kaulu ia Kaeha ilaila hele mai la o Kaulu a loaa o Haumea i Kapalama; He akua o Haumea no Oahu nei, e noho ana ia i Niuhelewai, he wahine o Haumea. A hiki o Kaulu, e moe ana o Haumea, olelo iho o Kaulu me ke kahea. "E Haumea e Haumea, ka i no he ala, kahu ke o a moa, hakaka me Kaulu." Noho o Haumea hoi kela. Lele o Kaulu a hiki iluna o Makalii la, ninau mai o Makalii: "Heaha kau e Kaulu?''' "He koko ka'u i kii mai nei, e haawi mai oe ia'u i make o Haumea." Haawi mai la o Makalii i na koko ana ia Maoleha ma. Hoi mai la o Kaulu a hiki, e moe ana o Haumea, hoopuni o Kaulu i ke koko a puni ka hale, kahea iho o Kaulu ia Haumea: "O ka moe no ka kau, ka i no o ke ala ae ae kaua kaua." Ala ae la o Haumea, hou aku la ma kela wahi keia wahi o ka hale, hoowalewale o Kaulu me ka holo mao a maanei o ka hale o Haumea, pela o Haumea i hou hewa ai a loaa na koko o Maoleha ma, paa o Haumea i ka puliki ia, a ma