Ka Hoku o Hawaii, Volume XXXVI, Number 23, 1 October 1941 — Papaleo Kekahi Mau Hoa [ARTICLE]

Papaleo Kekahi Mau Hoa

Ma kela pule aku nei i ka wa e noho ana ka ahaolelo, ua hookomo ia aku la he noi no ka hookaawale ia ana o kekahi huina dala no ka hoopau ana ae i ka hoolilo o ka hale o na lunamakaainana o kela kau aku nei. Ua lilo keia i mea e pii ai ke kai o kekahi mau hoa o ka hale, a ua nui ko lakou nema i ke komite no ia hana, uhaai Wale. Aole nae hoi i hana ia keia hana me ke a--110 epa. Ma kekahi mau la mahope mai ua ala ae la he pae-e leo mawaena o kekahi o keia komite me kekahi hoa o ka hale, mai ka uuku mai a hele loa i ka nui, a kokoke no paha e hoolele ia na puupuu, ua kahea koke ia nae ka makai o ka hale, a o pau ae la no ia. Me he kikiao makani paha kela i pa ae a pohu iho. Mai nae a hoomau ia hana aole hoi i hele no ka ahaolelo no ka pono kino iho, aka, no ka pono o ka lahui holokoa ame ka aina.