Ka Hoku o Hawaii, Volume XXXVII, Number 2, 6 May 1942 — Hoolala E Holo No Ke Kulana Senatoa [ARTICLE]

Hoolala E Holo No Ke Kulana Senatoa

Ua manao ae la o Senatoa W. H. Hill ame Senatoa Charles H. Silva e alualu ana i ke kulana senatoa: ma keia kau koho e hoea mai ana, i na hoi e malama ia ana he koho balota. Ua olelo ae 0 Senatoa Hill ma na ano apau e holo ana oia no ke kulana senatoa ma keia kau, a ua olelo ae hoi o Silva, he oi aku ka maifeti 1 na aole he koho balota, ua hiki no i ke komite kumau ke lawelawe i ka hana no ke teritori. .

"Aka, i na e malama ia ana ke koho balota ana, aole ka i maopopo iaia kona mea e kapae ia ai. Ua noho senatoa oia no 8 makahiki, a ua maopopo nohoi iaia na mea apau. Aole nohoi oia i ike i ke kumu ona e haalele ai i ke alualu. ana i ke kulana senatoa mai Hawaii, a aole nohoi he kumu e-holo ai niai laila mai i keia manawa.