Ka Hoku o Hawaii, Volume XXXVII, Number 3, 13 May 1942 — HEAHA ANA KA HOPENA [ARTICLE]

HEAHA ANA KA HOPENA

Mai ka hoōmaka ana iho nei o ke kaūa ma Ēuropa, i ka wa i komo aku ai na puali kaua Kelemanla ma kekahi mau aupuni uuku iho e like me Belegiuma, Hialani, Netherlands, Norewai, a hoea loa maila i Palani, a mai iaila ae ua huli ae la no kekahi mau aupuni liilii e aku, a hooke aku la imua o Lukia, me kela manao e lanakila maluna o ka mea palupalu. Ua ko I*o no ia manao ana ona, aka, aole nae hoi i mau loa ia hele lanakila ana ona, Ua manao oia e lanakila maluna o Rusia, a iaia paha e lanakila ai e lula mai ana oia .i ke ao holookoa. Eia tiae hoi ua hookui aku la oia me kekahi mauna kiekie. Ua kaa i o no ka holomua o ka hooili kaua ana ma kona aoao i kinohi, aka nae hoi, mahope mai ua hiki ole iaia ke nee hou aku i mua a o ka hopena ua kuemi hope mai a ua auhee. E hke me ka nui o kona mau koa i hooko aku ai, pela nohoi kekahi aoao i panai mai ai, a o ka hopena ua kuemi hope a ua lilo hou aku la na kulanakauhale o Rukia ana i lawepio ae ai i kinohi. Hēaha ke kumu o kona kuemi hope ana?

A eia no paha, oia kekahi i loko o kela pauku baibala, e'pili ana i ka haakei. He kanaka haakei oia, i manao oia ka oi ame ka mana ma ke-ao holookoa o ka oi loa aku oia no, he kanaka pakaha wale ko lakou alakai oia o Hitler i ke ola a ke Akua i hana ai. Ma na lono hope i loaa maila e hoike ana hoi no ka luku wale ia ana he mau ola lehulehu i kokoke aku i ka hapa miliona. He poe hoi keia i aloha i ko lak<pu aina, a no ko lakou ku-e ana āku, ua pau lakou i ka pepehi ia a make. Aole aiakou mau mea kaua i huli kue aku ai, aka, ua hookau ia maila ka hoopai oka make. Mainoino nohoi ka hana a ka lokoino a me ka hookiekie. Eko auanei paha la ka olelo aka Buke "O ka mea hookiekie e hoohaahaa ia auanei lakou. He nui a lehulehu na hana e aku a keia alakai o Kelemania e hana mai nei. O ka lua iho la hoi keia o ka hoala ana a Kelemania i ke kaua. O ka mua Sia no ke kaua honua mua a haulehia no oia mamuli o kona meinao haakei a alunu, a o ka lua hoi keia me kona manao ana e hookau mai i ka hoopai maluna o na aupuni i !anakila maluna ona ma ke kaua honua mua.

Ua apono anei ka Mea Mana loa i keia hana pakaha wale a e luku wāle ia nei hoi na poe palupalu? Ma kekahi mau lono i hoike ia mai ua paipai ia aku la na Klelemania e huli a ku-e i ka manao haakei o keia kanaka o Hitler. No ka hooko ia o keia leo uwalo, na keia mua iho e hoike mai. O ka makou a o ka kakou mau upu ana Ao paha hoi ia, e hiki mai i ka manawa e hoopau ia ai keia kaua weliweli e pahola nei a puni keia honua holookoa. Pehea hoi e lanakila ai ka pono maluna o ka hewa? O ka pepelu mau o na kuli o kakou a nonoi aku i ka Makua Lani no ka haawf*mai ia kakou i ka lanakila a e hoohaulehia ia hoi ka manao o na poe luku wale a pakaha e ake ana e lilo o lakou ka mana nana e lula i ko ke ao nei, E pule mau i kela ame keia manaw r a a hiki ike ko ana oia mau leo pule. Ē haawi pu i na leo pule no na kanaka e kupale ana i ka pono anie ka maluhia o ka alna, a pela hoi nie ko kakou alakai nui e hookele i ko l akovi aupuni. E haawi i na īeo pule nona i 1110 ai oia i alakai holopono ma kana hookele atia i kona aupuni ame ke alakai ana i kona lahui kanaka no ka paio ana a ku-e aku i ka hewa ame na hana pakaha ame kimopo. O ka mea e nonoi ana ma ko*lehova inoa, oia auanei ka mea e maliu ia mai ana, a o ka mea manao haakei a manao oia ka oi aole loa ia e lanakila ana. NANA no nae hoi e kaupaona i ka aoao o ka pono ame ka hewa,