Ka Hoku o Hawaii, Volume XXXVII, Number 15, 5 August 1942 — Ka Hua O Ka Hoomanawanui [ARTICLE]

Ka Hua O Ka Hoomanawanui

He manawa loihi ka kakou i lo'he ai a ua heluhelu pinepine maloko o na nupepa no ka Kookomo ana aku o Elele Samuel Wilder King, he bila iloko o ka Ahaolelo Lahui o Amelika no ka hookaawale āna i kekahi huina dala mahuahua hhiki aTcu ma kahi o ka $5,000,000, no ka, hana ana i kekahi hana e hiki ai ke hookaheka'he ia mai ka wai e kahe wale nei no iloko o keleai ma Molokai no kahi i nele i ka wai.

Ua ike ia keiā mea ma kekahi manawa i kaa hope ae nei, a no ia kumu i hooikaika loa āi ka elele e loaa kekahi haawina dala i hiki ai kē hookahekahe ia ka wai ma na aina hoopulapula o Molokai. -I na e kahe ana keia wai mā na aina hoopulapula alaila e ike ia āna ua hiki lia ia Molokai ke hoolako i ke kulanakauhale o Honolulu ame ka oihana koa ma Hawaii nei me na mea e hooulu ia ana malaila, alaila aole he hopohopo ana nō ka pokole ana i kekahi mau-meaai e like me ia e hooulu ia nei ma Hawaii nei ma kekahi mau mokupuni e āe. Aole nae hoi me ka Elele Lahui Kin.g hoao ana e loaa keia pomaikai, aka, aole oia i haawipio, ua hooikaika mau ma o ka hele imua o na hoa o ka ahaolelo lahui a uwalo aku imua o lakou, a o ka hopena oia no ka maliu ia ana mai o kana noi, a apono ia kela noi ana a hooholo ia.

Malia paha aole e loaa mai ana ia pomaikai i na poe hoopulapula o Molokai ma ke elala kuike, aka, e hoolilo ia ana kela dala no ke ana ana ame ka eli ana paha i ka auwaha a i ole hoomoe paipu paha i wahi no ka wai e hoea ai i na aina hoopulapula, a o ka hopena aku e ohi ana no na poe hoopulapula i ka pomaikai o ka lakou mau mea kanu e ulu ae ana. ■ ' Nolaila, ia kakou e na Hawaii, e ike ana kakou i ka hua o ka keia Hawaii i hana maila ma Wakinekona/a ku iho la ka olelo a ka Buke Nui, "O ka mea hoomanawanui a hiki i ka hopena, e loaa no iaia ka uku Heaha hoi ka uku maikai a kakou e hookau aku ei maluna o kēla kauwa hoomanawanui i ka pono no Hawaii nei? Eia no, e hookau hou aku no i ka lei o ka hanohano maluna ona ma o ka hoomau hou ana aku iaia ma ka ahaolelo lahui ma ke ano he elele no kakou a e nana ana no ka pono' ou e Hawaii. - j "E like me kau e ana aku ai, pela nohoi e ana ia mai | ai." O keia 'hoi e like me ka maikai ana i'panāi mai ai no Hawaii nei, a pela nohoi kakou e panai aku ai i ka maikai, ma o kalioomau ana iaia e noho ma Wakinekona. He mea maopopo loa nohoi ua maha iho la ka noonoo o keia kauwa a ka lahui ma o ke apono ia ana o keia noi ana, a moe oluolu paha i na hora o ka po, pau ka nalulu o ke poo e hoohiaa ai o ka po.