Ka Hoku o Hawaii, Volume XXXVII, Number 17, 19 August 1942 — Ke Anuu Kiekie [ARTICLE]

Ke Anuu Kiekie

Ua maopopo ā ua lolie iho nei kakou I ka lono no kapauaho ana mai o Beregedia Kenelala A!bert Kualii B. T Lyman ijkeia ola honua ana, Mamua aku o kona pauaho ana mai, ua waiho aku !a o Peresidena Rusavela i ka inoa o keia kanaka opio ma ke ano e hoopii ana iaia mai ke kulana Konela ae a i ke anuu kiekie ae oia no ke kulana Beregedia Kenelala. Malia paha e olelo iho ana ko makou mau makamaka heluhelu, heaha la ka mea mea kakau o keia Lunahooponopono i ka mea e pili ana i keia kanaka. Ua make aku Ia no oia aohe nana hou ana aku ia mea. Pela io no, aka aole kakou i hoomaopopo i ka hanohano i hookau ia mai maluna o ka lahui Hawaii ā ninau, "heaha v»a hanohano ala?" Eia no, "malia he inoa haole kona, a e hookahaha aia nae hoi oukou i ka loaa ana o kona inoa Haweiii. Ae, aole keia keiki he mea okoa aku, aka, he pua Hawaii oia. O kona luaui he ilipuakea, aka o kona makuahine, oia ke koko ou e Hawaii, a nolaila e ike a e hoomaopopo kakou he keiki Hawaii oia aia ke koko Hawaii iloko o kona mau aa." Ua hoonaauao ia oia ma ke kula Punahou ame Kamehameha, mamua o kona komo ana ma ke kula A'o Koa ma West Point a puka mai oia me -ka hanohano ma o ka loaa ana iaia ke korhisina Lukanela a noho oia ma ka oihana Enekinia iloko o ka Oihana Kaua, a ma ke ano he poonui no ka mahele Enekinia no Hawaii. Ua ike ia no hoi kona ano makaukau. ;

I kona hoi ana mai i Hawaii o kona kulana iloko o ka oihana kaua he ka ilio nei o ke kauā ua kaā aku malalo ona ka hoohana ia ana o hana eli i na lua pao. E 'hoomaopopo hoi kakou o Kenelala Emmons ka hoakula ame hoapapa pu me Lyman maloko o ke kula. Oiai, he keiki Hawaii oia, ua hilinai ia nae hoi oia a ua hoopii ia ae la i Beregedia Kienelala a pauaho koke maila nae oia i keia ola honua ana. A malaila la e ko makou mau makamaka heluKelu e ike ai kakou i ka hanohano i hookau ia mai maluna o ka lahui Hawaii ma o keia pua o Hawaii. Aole keia he hanohano a uuku mai. Mai ka wa i kaa aku ai o Hawaii nei malalo o Amelika: o keia ka pua Hawaii mua loa i pii ma kekahi kulana kiekie iloko o ka Oihaiia Kaua e like me keia. Nolaila he hanohano keia i ike ole iloko o ka moolelo o Hawaii nei. He nui no na keiki Hawaii eae i komo iloko o ka oihanā kaua moana, elike me Kaleoaloha Houston, elele mua iho nei, a pela nohoi me Samuel Wilder King, Aole nae laua i pii aku i ke kuīana Hope Akimalala. (O keia wale no.) Nolaila, e na Hawaii, ua nalo aku la ka piia a Hawaīi e hapai ai a kau i ka hanohano a haaheo hoi kakou no ka loaa ana o kekahi keiki Hawaii a kau i kekahi anuu kiekie. Eia no nae hoi he hookahi i koe, oia no kona poliii ponoi, a kalokalo ae nei nohoi i ka. Makua Lani, Nana no e hoopii ae iaia i ke kulana kiekie ae i hoohakahaka ia e kona kaikuaana. Oiai no nae hoi, he Kpnēla no oia iloko! o ka Oihana Kaua. I