Ka Hoku o Hawaii, Volume XXXVII, Number 20, 9 September 1942 — He Kamaka Ua Hala Iho Nei [ARTICLE]

He Kamaka Ua Hala Iho Nei

"He kanaka!" "Auhea?" "Ua hala iho nei!" —"owai?" ' •" "Ō Z. P. Kalōkuokamaile!" ' Ua hala aku nei i ke ala hoi ole mai, ua hala aku la ma ke alahele o na poe apau, ua pauaho maila i keia ola honua ana, a hoi aku la kona uhane me ka mea nana i hana i na poe apau, a o kona kino wailua, ua hoi aku Ia iloko o ka poli o ka makuahine honua. "Ae, ua halā aku Ia kekahi o na kanaka ola loihi o Napoopoo,. Hawaii, a o ka hope loa hoi o na poe kahiko oia aina kaulana, e waiho ana hoi ma ke kumu o ka pali kaulana i ike ia o Kapalikapuokeoua. Ua pauaho maila o Z. K. Kalokuokamaile ,i keia ola honua ana ma ka home o kana kaikamahine o Mrs. Annie Keawe i ke.93 o kona mau makahiki ame na mahina he 4 a oi iki aku o kona ola ana. Nui no ke aloha o ka Makua Lani i keia niakua maikai, he mau makahiki helu wale nohoi koe o ka piha no ia o kona keneturia. Ua haalele mai oia i keia ola honua ana ma ka auinala o ka Poalua, Sepatemaba 1,1942.

He maikai no kona waihona noonoo a pauaho maila oia, ua hoomaopopo no i ka wa e kamailio ia aku ai iaia. Ua hanau ia o Mr, Z, P, JCalokuokamaile mai ka puhaka mai o Naili (k) ame Kawaha (w) ma Napoopoo, Kona Hema, Hawaii, ma ka la 13 o Malaki, 1849, a ua piha iho nei iaia na makahiki he 93 me eha mahina a oi aku o ke ola ana.

Ua hoonaaūao ia oia ma ke Kula o Lahainaluna a puka māi no mai ia kula mai, a noho i kumukula ma ke kula o Keei,

Ua loaa iīoko o kona noho mare ana he elua mau keiki oia no o Naili (k) e noho maila ma Honolulu ame Mrs. Annie Keawe o Hilo nei a he elua wale no ana ihau moopuna. x Ma kekahi manawa o kona ola ana ua lilo oia i kahu Kula Sabati a ua lilo nohoi i kumukula Sabati no ka papa o na makuakane o ka Ekalesia ma Napoopoo. o Z. P. Kaloku nohoi kekahi o na kanaka i kau ia ma ka papa o na olohe huli mea pohihihi o ka papa pa'l o Ka Hoku O Hawaii. He loea ma na haawi nane, a pela nohoi me ka huli ana i na haina nane a kekahi mau loea e ae e like me "Pohakuopele,"' Kia Naita Ilihune, ka Makaikiu Hene, ame kekahi mau hiapaiole e ae. ' , Ua kāmaainaia nohoi oia iwaena ona poe huli nane! ma ka inoa o Kawaikaumaiikamakaokaopua'i ka Pali Kapu o Keoua. Oia nohoi kekahi o na meakakau no Ka Hoku O Hawaii i ka wa e ola ana ka Rev. S. L. (Kiwini) Desha, Sr., a he kanaka makaukau nohoi i neia hana he kakau i kekahi mau mea. Nawai nohoi e ole e nele ka ike, ua a'o ia iloko o na kula Hawaii ia mau la. Minamina no. 0 kona mau maka he maikai no ka ike, a iloko o kona ola ana aole oia he heluhelu me na makaaniani. ' Ma ka auinala o ka Poakolu ae i malamia ai kona ' anaina hoolewa maloko o ka luakini o Haili e ka Rcv.; Moses Moku, a hoihoi ia aku kona kino wailua a hoomoe ia ma ka pa ilina o Homelani. |

Ua kuu ka luhi, ua pau kana hana maanel, a hoi aku Ja kona uhane me ka mea nana i hana ! na poe apau. E Kona kaiopua i kala'i a Ehu, ua pau kou ike hou ana ia Kalokuokamaile no ka wa mau loa, ua hele akula oia ma ke ala hoi ole mai. E na kini o Napoopoo e, ua pau, ua pavi ko oukou iko hou ana iko oukou makua ia Z, P. Kaloku, no ka manawa mau loa, aok hoi oukou e lohe hoti ann i kona leo heahea.

E na oiohe huli mea pohihihi, ua pau ko oukou ike hou ana i ka inoa o Kāwaikaumaukamakaokaopua, a ua pāu hoi kā īke hou an.< i kana mau pane no na iiane e puka hou aku ana, a e pau ana nohoi ka ike hou ana i

kana mau hr»!i"sn nane, no li.a \va mau loa. Ua moleu ke lcaula ,gu!a o konā ola honua nna, no ka mea lie mahu ke ola.o ke kanaka i pua ae a hala aku. E Pohakuopele e, eia ko lei hulu makua ua nīnu h«*!e aku la ma ke o na poe ap4tu. " ; j Ke komo pu nei Ka Hoku 0 Hawaii'me ka ohana no ke pu ana i>ona n<,> ka lakou mea aloha i haalele a«m! 1 keia ola honua ana. NA K£ AKUA NO AUANEI E HOOMAMA I KO OUKOU MAU MANAO LUULUU.