Ka Hoku o Hawaii, Volume XXXVII, Number 21, 16 September 1942 — Apono la Maila [ARTICLE]

Apono la Maila

Ma kela pule aku nsi i hookohu mai ai o Pcresidena Rusavela ia Ernest K. Kai i Kakauolelo no ke Teritori o Hawaii nei ma kahi o Charles M, Hite i waiho aku i kona kulana kakauolelo, a ma ka Poakahi nei waiho ia aku ai iloko o ka lima o ke komite senate. I ke komo ana aku keia o ua 'hookohu nei iloko o ka lima o ke komile a i ko lakou noonoo ana, ua apono maiv la keia komite i kela inoa. He lono hoohauoli mai keia ia kakou na Hawaii no kona hookohuia ana maila a he hanohano hoi i loaa i kekahi Hawaii. Aole keia he hanohano a lohe mai, he hanohano pookela i loaa ole mamua, i kanaka Hawaii a o ka mua loa hoi keia. Kta iho la keia olelo, "O ka mea hoomanawanui a hiki i ka hopena e loaa no auanei iaia ka hanohano." Nolaila, ua hoomanawanui keia keiki Hawaii i ka huli ana i \a naauao. I ka loaa ana o ka naauao iaia, ua hoohana i ua naauao ala, a o ka hopena iho la keia, ua ohi i ka hua o kana mea i hoomanawnui ai, a makepono nohoi ka luhi a ka makua i. hoomanawanui ai e hoōnaauao i kana keiki, a ua lilo noh.oi keia i mea e hoohauoli ana ia laua. O ke keiki i hoomanawanui, o ke keiki ia i hoohauoli i kona makua.' I na nae hoi oia i hooiiaauaoia a hoohana ole i ua naauae ala, i na aol<f oia"i lilo i mea e hoekehuia ana ma keia kulana. Ua hoomalamalama oia i kona kukui i mea e' ike ia ai ka malamalama, aole hoi i huna ia malalo o ke poi o ka hilahila.aku, ua kukulu ia i waho i wahi e ike ia ai, a ua lilo hoi i mea e hoomalamalama ana i ka laehui Hawaii imua o ke ao holookoa. Ke haawi. nei makou i na hoomaikai palena ole i na makua o Ernest K. Kai no ka laua hua maikai i hoohua mai ai, a lilo hoi i alakai no kakou ka laKui Hafwaii. Ke kalokalo pu ae'nei e lilo oia i kukui malamalama no ke alaaki ana i ka lahui Hawaii ma ke alahele e kau aku ai i ka hano. E uhai mau ia oia e na pomaikai he nui i na wa apr.u ana e paa ana i kela kulana a pela nohoi iloko o kona ola honua ana.