Ka Hoku o Hawaii, Volume XXXVII, Number 22, 23 September 1942 — Ke Kulana Noho'na O Na Hawaii [ARTICLE]

Ke Kulana Noho'na O Na Hawaii

Eia ke hbomaopopo ia nei i keia mau la ke kulana o ka noho ana a rra Hawaii ma na Kona, i kau nui aku ko lakou wahi O maluna o ka oihana lawaia. Mamua aku o ke komo ana o ka aina nei iloko o ke kaua me ka enemi, ua maalahi loa na Hawaii e noho nei ma na Kona, i huli ana i ko lakou ola ma ka oihana lawaia, e holo ana hoi na auwaa i ka moana no ka lawaia ana, a i keia manawa i ke kau ana mai nei o ke kanawai o ka Oihana Kaua, e papa ana aole e hiki i na kanaka e noho nei ma na Kona ke holo i waho i ka lawaia i loaa ai ka i' a ame kahi olao ka noKo ana. Ma kekahi manawa ae nei i hala, ua ae ia no na waapa lawaia e holo i ka moana no ka lawaia ana, aka, e hana ia nae hoi kekahi hoailona maluna o ua mau waapa ala, i hiki ai ke ike ia mai kalewa iho, a e kuhihewa ole ia ai he mokuluu, a eia ua ma.u waapa.la ke holo nei i ka lawaia. Nolaila, ua hiki loa ia kakou ke ike iho a hoomaopopo i ke ano koikoi o keia mea i hekau aku maluna'o keia mau Hawaii i kaukai aku o ka oihana lawaia ko lakou mea e pono ai o ka nohona ana. Aole nae hoi ia kakou ke alo ae, no ka mea o na Hawaii oiaio apau, he mau Amelika oiaio lakou, a e liooko ana hoi i ke kanawai o ka aina, me ka nana ole ae i na paha e ili aku ana maluna o īakou ke koikoi o ka noho nele ana. Aole nohoi ka lahui Hawaii he lahui liookiekie, aka he lahui hoohaahaa. E namunamu ana no paha na Hawaii, aka, ma kahi nae hoi o ko lakou o ko'lakou aa ana e hele aku imua q na poo nui, e walaau wale iho ana no ā pau ae. He manawa ku keia o ka "OPELU" ma na Kona, aole nae hoi e hiki ke loaa mamuli o ke kau ana o ke kanawai. He lehulehu o na Hawaii ilihune e noho mai nei i hiki ole ke kuai i na i o pipi. Aole nohoi a lakou elala e kuai ai na waapa lawaia nunui e like me na waapa lawaia Kepani i hiki ke hoohana i ke kakalina. E like me na meaai o keia mau Ia e nee n,pi ua pipii ae ke kumukuai, a o ka oi loa aku ma na kuaaina aku nei, o kahi loaa a lakou e ohi nei he uuku loa. E ai pakiko ana paha. Ua kakau ia aku he leka imua o Lorrin P. Thurston, 0 ka Nupepa Avekaisa o Honolulu e na kamaaina o Milolii, i na he mea hiki iaia ke hana no lakou, i hoopau ia ai keia pilikia. Ke komo pu nei makou ma ka hooiaio a kakoo ana ia Kakina mao kana mau hooikaika ana e loaa ka pono 1 keia mau Haw&ii, a ke kakoo pu nei hoi iaia ma kana mau keehina e hooakaka nei no ka pono o keia mau Hawaii. Ke upu pu nei hoi e loaa ka ae ia ana o keia mau kanaka lawaia no ka imi ana i ko lakou ola ma o ka oihana lawaia la. m Aole no keia !ie pilikia a aka, he haa>ye kaumaha o ka pilikia i hekau aku maluna o lakou, Aole j nr»e hoi keia i pili ia lakou wale no aka i na poe no apau, | Nolaila, e hoomanawanui kakou a he lano auaiiei e loaa mai ai ia mau mea a kakou e upu aku nel. 1 ' E NONOI MAU AKU lAIA, A E HOOKO IA MAI ] NO AUANEI I KA WA KUPONO, 1