Ka Hoku o Hawaii, Volume XXXVII, Number 29, 11 November 1942 — Makeke Hou [ARTICLE]

Makeke Hou

. Ma kela pule aku nfei i wehe ae ai o Rpb§rt Chow i kona Makeke kūai pipi hou ma ke Alanui Keawe a e loaa no na io pipi ono raa ua makeke la i na Ia apau. He kanaka opio o Robert Chow i kamaaina i na kini o Hilo nei, a oia no ka ofta mua o ke Makekē Pipi "Btandard ma ke Alanui Kamehameha mapn'ua. Ua hoolilo aku nae hoi oia i ua makeke lā i kekahi mea okoa aku. .JE like hoi me ka nee ana o kc au i keia manawa a pela hoi me ke kpmo ana o ka eina ilōko 0 -fce kaua, pela paha oia i noonoo ai mea pono e weheia i hale pipi hou i hiki ai ke hoolawa' aku i na kan<aka me na i'o pipi maikai. Aole o na io pipi wale no ke loaa ma keia makeke hou, aka, e loaa pu ana no kekahi mau mea e ae no ke pakaukau ma ka home. I kou manawa e hoea ai ma ke kaona o Hilo a i makemake oe 1 na io pipi palupalu o Hanaipoe, e hele ae ma ka makeke .pipi o Robcrt Chow, Alanui Keawe.