Ka Hoku o Hawaii, Volume XXXVII, Number 35, 23 December 1942 — Mele Kalikimaka [ARTICLE]

Mele Kalikimaka

He mau la helu wale no koe a hoea aku kakou 1 ka la i hanau mai al ke Kei'ki Hiwahiwa, ka mea hoi i hoea mai i ko.ke ao nei no ka hoopakele ana i ko ke ao nel He )a hoi keia i lilo i la na na poe o ke ao nei c hoomahao mau ai i kela ame keia makahiki. E hoike pu ana nohoi ka buke nui, i kela mau olelo a kakou e poina ole ai i paanaau no paha i na poe apau, "Ua nui k£ aloha o ke Akua i ko ke ao nei, ua haawi mai oia i kana keiki hiwahiwa, a o ka poe e manaoio ana īaia e Io?.a no iaia ke ola mau loa."

Nolaila, he manawa keia no ka haawi aku 1 kau na kou hoaloha. Aole.nae hoi i like ka kakou mau makana i haawi aku ai i ko kakou mau hoaloha e llke me kana i

haawi mai ai. Aka, i na no nae hoi he uuku kau i haawi aku ai, a i haawi aku oe me kou naau a pau, ua oi aku ia mamua o ka mea i haawi nui aku me ka manao minamina.

Ke hoomanao nei nohoi makou ma kela mākahiki aku nei i ka wa ilele kimopo mai ai ka enemi maluna o kakou ma Hawaii nei, ua loaa iho la i keia wahaolelo o ka Lahui Hawaii kekahi kuia ā ua hiki ole ia makou ke. hoouna aku i kekahi mau aloha Kalikimaka i ko makou mau makamaka heluhelu, a mamuli o ka ūwalo ia ana

aku imua o'napoe na lakou e hoomalu ana i keia Terj'tori, ua loaa maila ka ae ia, a oia la keia e puka aku nei. He minamina nui nohoi i ka hoike ana akū i mua o oukou, a mamuli o ka loaa ole o ke alahele e hoea koke aku ai keia wahaolelo imua o oukou i ka wa kupono e like me na makahiki i kaahope ae nolaila, e aho no ka lohi loa ana mamua ō ka nele loa i kahi aloha. Ma ka aoao o na Lunanui o keia wahaolelo ame keia papa pa'i, ke haawi aku nei makou i ko makou aloha Mele Kalikimaka i ko makou mau makamaka heluheiu, a ke upu pu aku nei e loaa mau hoi ia oukou apau na hauoli ana apau o keia Kalikimaka. E haawi pu aku hoi i ka oukou makana Kalikimaka i na he uuku a nui pahā no ko kakou aupuni e paio nei, no ka lanakila, a 1 mau ai hoi ka welo ana o ka Hae Amelika no ka wa mau loa. . '. " MELE KALIKIMAKA NO KAKOU APAU. He uuku no keia, eia nae hoi ua haawiia aku me ke aloha pumehana mai loko lilo loa ae o ko makou mau naau. , E ukali mau ia hoi oukou me na pomaikai he nui. !