Ka Hoku o Hawaii, Volume XXXVII, Number 44, 24 February 1943 — Ka Ahaolelo Kuloko O Kakou [ARTICLE]

Ka Ahaolelo Kuloko O Kakou

Ma ke kakahīaka o ka Poakolu aku nei i wehe ia ai ka Ahaolelo kuloko o kakou, a ua piha ae nohoi na hale kau kanawai i na poe makaikai, na hoaloha o na solona o ka ahaolelo, ame na poe hookani pila a hoea loa aku i na , poe puhi ohe. Ua hoohiwahiwa ia nohoi na pakaukau o na hoa o ka ahaolelo mfe na pua, a ua hele nohoi a kūpaoa o loko o ka hale kau kanawai i ke ala oia mau pua, a ke nana $ku, he ku maoli no i ka u'i. E hoohuli ae ka kakou nana an'a i ka h/ile o na lunamakaainana, a e ike ana hoi kakou ia lakou e lululima pu ana kekahi kekahi, a i ka hiki ana keia i ka wa e wehe ia ai ka hana o ka hale o na lunamakaainana, ua ike ia aku la ka Alihikaua nui kuikawa Thomas Pedro, ae ana a noho ma ka noho lunahoomalu, a no ka mea oia ka mea i loaa na palota kiekie loa i ke kau koho nui iho nei, a ua kaa iaia ka hanohano o ka wehe ia ana o ka hale 0 na lunamakaainana, no keia kau. Ua waiho ia maila ka inoa 6 Roy A. Vitousek, a ua kokua ia a hooholo ia o keia kanaka ka lunahoomalu na keia kau o ka ahaolelo. Aole nohoi keia kanaka he mallhini iloko o ka ahaolelo. Mamua nae hoi o kona hoi ana aku a noho ma ka noho o ka lunahoomalu, ua kahea ia maila nahoa lunamakaainana wahine, e hoohanohano aku ia Vitousek, ma o ka ukali ana aku iaia a hiki ma kona noho. Ua hooko ia nohoi keia hana me ka eleu. , Mahope iho o ka hora 10: 00 o ua kakahiaka ala. ua koho ia he komite o ekolu lala, oia no na lunamakaainana Paschoal, Andrews ame Holt, no ke kii ana aku ia Lunakanawai kiekie Samuel B. Kemp, no ka hoea mai no* ka hoohiki ana i na hoa o ka hale o na lunamakaainana, a • ma ka hora 10:19 a.m. i iawe ai na hoa o ka hale o na lunamakaainana i ka lakou hoohiki oihana. Ma ka hoomaopopo aku nohoi i ke kulana o ka ahaolelo, he maikai maoli no, a pela nohoi me ka ike ana aku 1 na wahine iloko o ka ahaolelo. O ka oi loa aku he mau pua Hawaii wale no lakou apau, aole maloko o ka hale o na lunamakaainana wale no, aka, aia pu iloko o.ka aha senate, no ka mea he hookahi pua Hawaii iloko oia hale. Ma ka hookuku ana i na mea'i lawelawe ia maloko o na hale a i elua, ua maopopo loa aole he wahi paewa. Ma na mea ano nui, ua lokahi like na hoa o na hale a i elua, ma ka lakou hana, a ua koho ia nohoi o Senatoa Rice o Maui i peresidena, no ka aha senate, ame V. A. Carvalho o Hawaii nei i hope peresidena, Na ka Lunakanawai kiekie Samuel B. Kemp, i hoohiki i na hoa o ka senate ma ko lakou kulana oihana 'loko o ke senate, a na ka Rev. Edward Kahale, o ka Ekalesia o Kawaiahao i wehe i na hana ma o ka haawi ana i na leo pule. Ma ka hoomaopopo aku nohoi, me he mea ala e holopopo ana ka lawelawe hana ana a keia mau hale ina ha-! rta kau kanawai ma keia kau, ke komo ole ia uae hoi e kekahi mea ohiuhiu, i wahi e loaa ai ka mokuahana. O ka makou e upu nei, e mau hoi ka lokalii iwaena o na hoa o na hale kau kanawai a i elua a hiki i ka pau ana. Ke kalokalo pu ae nei, e uKai mau ia ]$kou me na mea maikai apau, i mau ai ke kau ana o ka hanohano īualuna o lakou. K.e upu pu nei nohoi e loaa pu ka launa lokahi ana ame ka huki like ana o na kane ame na hoa \va~ hine o lakou, aole hoi e hoolilo ia na wahine i niea paani wale ia no. "Imua ē na wahine, e paio no ka pono, ame na kanawai maikai a oukou € ike ai he maikai. Mai ae e pulapu " wale ia maif % % *