Ka Hoku o Hawaii, Volume XXXVII, Number 51, 14 April 1943 — Ke Hoomakaukau Mai Nei [ARTICLE]

Ke Hoomakaukau Mai Nei

Eia ke aupuni o Suedana, kē hoom&kaukau mai nei i kona mau pualikoa no ke ku-e ana aku ia Kelemania. Ua hoike ae ke kuhina kaua nul, ua hiki mai i ka wa a ke aupuni o Suedana e papa aku ai i na poe komohewa aku iloko o ko lakou aupuni, Ma keia mau makahiki a i kaua mai nei me kekahi mau aupuni a ae, ua komo wale aku kona mau pualikoa maloko o Suedana, oia hoi na poe i eha ma ke kahua kaua. I ko lakou wa e eha ai, e hoihoi ia mai ana ma ke alahele o Suedana. Nolaila, ua hiki maila i ka manawa a keia aupuni e ku-e aku ai i keia komo hewa ana mai a kekiahi aupuni e aku. O ka lakou hana wale no i koe oia no ka huli ku-e ana aku ia Kelemania. Ua makaukau kona mau puali kaua i keia manawa, i na nei no ka hiki ole ia Kelemania ke hoopau I ke komo ana mai maloko o keia aupuni.