Ka Hoku o Hawaii, Volume XXXVIII, Number 1, 28 April 1943 — Hoomanao Piha Makahiki [ARTICLE]

Hoomanao Piha Makahiki

Aole no paha i loaa aku ka houmaopopo ana i na makamaka heluhelu o Ka Hpku O Hawaii ka ike ame ka hooipaopopo ana i kona kulana e hoopuka ia nei ma kela ame keia pule a pela nohoi me na makahiki ana i oili aku ai ma ko oukou mau ipuka hale. O ka mea wale no i maopopo i na makamaka heluhelu oia no ka puka mau ana aku imua o oukou, a e kakali mai ana hoi oukou o kona oili aku me na meahou o ke ao nei, a hoopiha iho la i ka pololi me ua mau mea ono ala. £ Ma ka hookuku ana i ke kulana o keia wahaolelo a ka lehulehu, ua hiki maila i ka piha ana o kona mau makahiki o ka hoomanawanui anama kahi ppha jo ke 38. He mea nae hoi na kakou na na Hawaii e haaheo ai, i ka loaa ana o kekahi wahaoleio a ka lahui e hoea mau aku ana imua o kona mau makainaka heluhelu i kela ame keia manawa, me kekahi mau mea i kakau ia mai e kekahi mau makamaka maikai, e lii aku ana imua o na makamaka heluhelu e āe i wahi no lakou e' lieluhelu ai a e hoomaopopo ai i kekahi mau mea a lakou i lohe ole ai ma- . mua. Iloko o keia mau makahiki loihi ana i puka aku ai i kela ame keia makahiki, a na keia ao hakumakuma e hekau nei maluna o kakou, ka mea nana i hookaulua iho i kona pukaana no elua mahina.

I ka hoomaka mua ia ana o keia wahaolelo no ka, pono o na makamaka heluhelu Hawaii, he nui na Nupepa Hawaii e puka ana ia manawa, a e like me ka nee ana o ke au o ka manawa ua pau ka puka hou ana o kekahi o ua mau nupepa ala, a pela i nalo liilii aku ai a koe hookahi iho la no keia wahaolelo, a kakou e na Hawaii kakaikahi e heluhelu nei, a mai ka nui mai nei o kona mau aoao heluhelu a i ke elua aoao wale no i keia manawa. Aole nae no kekahi kumu okoa ae ke emi ana mai o kona mau aoao heluhelu aka, mamuli no ia o keia ao hoopoluluhi iko kakou aina nei ke kumu. E aho no nae hoi keia mamua o ka nele loa, a o kakou e ohumuhumu nei no ka uuku loa o na aoao heluhelu. E aho uuku ana nae hoi ia mamua o ka nele loa ana i ka mea e heluhelu ai. E aho no kahi omoomo palaoa uuku mamua o ka nele loa, a make i ka pololi.

Ma ka hoomaopopo ana, ua loihi maoli no keia mau makahiki a keia wahaololo e puka hoomanawanui nei no ka pono o kona mau makamaka heluhelu. / . E like me ka piha anā iaia he 38 makahiki o ka puka hoomanawanui ana aku imua o oukou, ke haawi aku nei oia i ke aloha ame na hoomaikai ana ia oukou e na makamaka heluhelu no "keia mau makahiki loihi a oukou i hoomanawanui mai ai no ka paepae ana i keia wahaolelo i mau ai kona puka mau ana aku imua o ka lahui Hawaii. 0 ka makou nae hoi e upu nei, e like me ka nee ana aku o keia makahiki hou o Ka Hoku O Hawaii, e oi ae kona ikaika ma na mahele apau, i mau ai kona oili mau ana aku iko oukou mau ipuka. Ke upu pu aku nei nohoi i ka oukou kakoo mau ana mai i mau ai kona ikaika i na, wa apau, no ka mea o keia wale no ka kakou wahi olelo i koe e na Hawaii aloha o ka aina. 1 mau no ka nialamalama ana o kekahi home, i ka aa mau o kona mau kukui, a i ikaika nohoi kekahi kana-_ ka i ka loaa mau aku o ka ai e hooikaika ia ai kojna kino, a pela no ke kaaahi, i holo no, i ka loaa o ka mea e hiki ai ke holo, , Nolaila, ma ka aoao o ka papa pa*i o Ka Hoku 0 Ha waii, ke pahola aku nei kona mau lunaaui i ka lakou hoomaikai ana i na makaniaka helulielu no ko lakou hoomanawhnui ana i keia mau makahiki lolhi, a e mau aku hoi ko lakou kakoo ana mai i kela wahaolelo» i niau al a e loihi ai na makahiki i koe o kona hoomau ana i kana hana no ka pono o ka lalmi Hawaii. . I

MAI POĪNA i !<F Kl M ANAI aune keia maiiaW». Mai Uoolud% I BONA KAUA. S kuai i keia | i ke kuai anau