Ka Hoku o Hawaii, Volume XXXVIII, Number 13, 21 July 1943 — Hookohuia I Hoa No Ka Papa Kahu Malama Waiwai [ARTICLE]

Hookohuia I Hoa No Ka Papa Kahu Malama Waiwai

Ūa ike iho la maloko o kekahi ō na nupepa puka la o Honolulu no ka hookohuia ana maila o J. B. Poindexter, kiaaina mua iho nei o kakou i hoa no ka Papa Kahu Malama Waiwai o Bishopa, no ka hoopihā pono ana i na lala 0 ua Papa Kahu Waiwai la. Aole no paha i malihini keia kanaka ia kakou, oiai oia nohoi ke kiaaina mua iho nei o kakou. O kahi wale no i kulike ple ai i ko makou manao a pela no paha i ka hapanui o na Hawaii apau, a oia keia, he nui nohoi na kanaka kupono e ae, e noho nei ma Hawāii nei, oia hoi, he poe Ilipuakea, eia nae hoi he mau keiki no ka lakou i kōmo aku a eia nohoi keknhi o ia mau keiki ma ka kula o Kamehameha i keia manawa, hiki ole lakou 'ke hookōhuia aku, a koho ia aela keia kanaka. Aole nohoi he mau mea ano nui e loaa mai ana mai keia kanaka mai, aole no paha ana keiki e manao ana e hookomo aku ma keia mau kula, a aole no paha e lilo ** ana kona hookohuia ana maila i hoa no ka jPapa Kahu Malama Waiwai, i mea noa nui iaia. Aole nae hoi e hiki ia makou, ke hoohalahala aku imua o ke kiaaina no keia hookohuia ana mailā o keia kanaka, no ka mea, aia iaia ia kuleana. Aole nohoi makou e waiho aku ana i kekahi palapala hoohalahala no keia ninau. I hoopuka wale ae la nohoi i ike mai ai oukou e na Hawaii he mau keiki ka oukou, ma na Kula o Kamehameha, i ka hookohu ia ana maila o keia kanaka no ka malama ana f na waiwai o Pauahi. Ua like ole no paha ko ke kiaaina manao maluna o keia ninau, a o kona kuleana no ia. O ka kakou hana wale no o ka noho aku a nana i ka hana a keia kanaka iloko o ka papa kahu malama waiwai, a malia paha ē hiki ana nohoi iaia ke hooko i kekahi hana e loaa ai ka pono 1 na keiki a kakou e hele maila ma kela mau kula o Kamehameha, Na keia mua aku nae e hoike mai i na mea apau.