Ka Hoku o Hawaii, Volume XXXVIII, Number 21, 15 September 1943 — Lilo I Kumu Paipai A Hoala Manao [ARTICLE]

Lilo I Kumu Paipai A Hoala Manao

Ua kau ae la makou i f kela Poomanao mamuli o kekahi leka i kakau ia mal ia makou ma kekahi mau pule i hala aku la, mai kekahi Hipuakea mai e kakau a e mahalo mai ana i ka Luhahooponopono o keia Wahaolelo o ka lahui. -

U>a heluhelu aku ka Lunahooponopono nei i ua leka la imua o kekahi makamaka maikai ona, a he makamaka heluhelu nohoi no keia wahaolelo. I ka pau ana iho o ka heluhelu ia ana ua pane maila keia makamaka, he mea maikai e hookomo aku oe i kekahi mea e pili ana i kena leka i wahi no na Hawaii e ike mai ai. Akā nae hoi, aole makou e hookomo ana i ua leka la, aka, e hoakaka aku ana nohoi, a e lilo paha auanei la i mea nana e paipai a hoala aku i ka manao o na Hawaii e ae, "A hiki i keia Ilipuakea ke kakau mai i kekahi leka ma ka olelo makuahine. a kakou, a o kakou hoi aole i makaukaii i ke kakau ana i kekahi leka ma ka olelo Hawaii a makaukau pu i ka kakou olelo makuahine.

Ma ko makou noonoo ana mamuli o keia leka i kakau ia maila e keia makamaka, he mea ia e paipai mai ana ia kakou e na Hawaii e hooikaika a e hoomaar*aa *i ke kakau ana i ka leka ma ka kakou olelo makuahine.

Aole waie no malaila pau, aka, he makamalea heluhelu pu kēia makamaka no Ka Hoku O Hawaii. Mamuli o kona heluhelu mau ana i ka nupepa Ka Hoku i mahuahua ai kona makaukau ma ka olelo Hawaii. I na hoi i hiki i keia makamaka he heluhelu a maopopo i na mea i kakau a hoopuka ia maloko o ka Hoku, aole anei e hiki i kekahi poe Hawaii i lawe ole i Ka Hoku O Hawaii, ke lawe i ua nupepa la, a lilo aku hoi i kukui malamalama nona ma keia mua aku. Ke lana nei no nae hoi ko makou manao e lilo ana keia i mea e paipāi a e hoala ai i ka manao o na Hawaii, aohe he wa e hoopaneenee hou aku ai, aka, o keia ka mānawa kupono loa, e hoomakaukau ai iaia iho. Aole hoi o ke kakali a hala ka manawa kupono loa, e hoomakaukgu ai iaia iho. Aole hoi o ke kakali a hala ka manawa kupono alalla he mihi ko laila ma ia hope aku.

Aole nae hoi makou e kakau ana i keia manao no na poe heluhelu mau i keia wahaolelo, aka, no na pōe aku e noho wāle mal nei, me ka loaa ole o kekahi mea nana e hoomalamalama aku ia lakou.