Ka Hoku o Hawaii, Volume XXXVIII, Number 24, 6 October 1943 — Heaha Aku Ana Ka Hope [ARTICLE]

Heaha Aku Ana Ka Hope

I na kakou e hoomaopopo, ma kekahi mau makahiki 1 kaahope ae nei, ua hoala a kukuluia kekahi Hui uniona ma Hilo nei o na Poe Poola, a i hoopiliia e na Hui Uniona 0 Amelika, a ua nana ia maila keia hui uniona ma kekahi he lala no ka Hui Uniona Poola ma Amelika. XJa komo aku maloko o keia hui uniona Poola na lahui like ole, mai na Hawaii a hikri na Kepanī, me ka nana ole ia i na paha he kupa Amelika oia a i ole lahui e ae paha. Ma kekahi makahiki mahope mai o ke ku ana o keia hui ua ala ae kekahi haunaele, a ua loaa nohoi kekahi poe 1 na eha a hoihoi ia ma ka Halemai. Ua holopono no ke ku ana a ua hui ala a i ka hoomaka ana iho nei o ke kaua honua, ua papa ia maila na Kepani aole e komo ma na uwapo, a pau ko lakou hana ana ma na uwapo. Eia nae hoi, ua hoala ia ae no kekahi mau hui uniona ma na wahi like ole, e like me na hui nunui, mai Hilo aku nei a hoea i Honolulu. Oiai nae hoi i keia manawa o ke kaua aole keia he manawa no kekahi mea e hoao ai e olohani. Ua olohani mai nei no kekahi poe ma Amelika, mamuli o ko lakou makemaKe ana e hoomahuahua ia ae ko lakou inau uku hana, a no ka ae ole ia ana o ka laKou noi, ua olohani iho la lakou a haalele i ka lakou mau wahi hana. Ua hoopoina iho la lakou i ko lakou aina aloha, I na paha aia kela aloha aina iloko o lakou, aole e nana ia ka uku hana. O ke kokua ana a kekahi mea i kona aupuni ma o ka hoonui ana aku i nā mea e hoonui aku ai i na lako kaua no konaaupuni. O keia niau hana a keia poe> ma ka nana aku me he meā la he poe kipi lakou i ko lakou aupuni ponoi. Ma ka manao ana nae hoi a kekahi poe noonoo maikai, he mea pono e hookomo ia aku keia poe iloko o ka oihanakoa, a ilaila e maopopo ai ko lakou ano Amelika oiaio. Eia pu nohoi ma Hōnolulu, ua kukuluia ae kekahi mau hui uniona e noho hana nei me ka Hui o Kewiki (Davies). Ma kela pule aku nei ua ala ae Ia he olohani iloko o na limahana o keia mau hui, a o ka hopena. ua haalele lakou i ka hana, a ua makemake lakou e hoomahuahua ia ae ko lakou mau uku hana. I ka hooko ole ia ana mai nei, ua olohani maila. O ka hapanui o keia poe, he poe Kepani a he mau kupa Amelika nohoi. Aole keia poe i noonoo ae, eia o Amelika ke kaua nei ia lapana, a malia mamuli p ko lakou olohani ana e ala mai ana kekahi ninau pili lahui. I na e hoala ia ae ana ka ninau pili iahui, alaila, he mea maopopo loa e lilo ana keia poe e kapa ia aku ai he poe enemi, a e ala mai ai paha kekahi haunaele ma keia mua aku. Mamuli o keia olohani ana a keia poe, aole lakou i hoopilikia aku i na hui a lakou i noho hana aku ai, aka, e hoopilikia mai ana lakou 1 ka lehulehu holookoa apuni keia mau paemoku. He mea pono no paha lakou e kapa ia aku ma kekahi mau inoa e ae, mamuli o ka lakou mau hana hoalaala olohani. O ka makou e hoopuka nei a e hoakaka aku nei, aole keia he manawa no kakou e hoala ai i kekahi oloKani, aka, he manawa keia aia ka aina iloko o ke kaua, a aole he mea e loaa ana ma o keia olohani ana, aole nohoi ia e kokua nui anai ke aupuni no ka lanakila ana maluna o ka enemi. O keia mau hana he hana e keehi ana i na hoolala ia ana no ka holomua a me ka lanakila o ko kakou aupuni. Aole kakou i makemake e ala mai kekaHi haunuele kuloko o kakou nei. O ka olohani oia ka mea nana e houlolohi mai i ka holomua o na hoonee kaua ana maluna o ta enemi, Nolaila, e hoao kakou e hana 1 na hana e hiki ole ai ke laha keia olohani iwaena a iloko o ko kakou Teritoii! nei. Ē kukulu 1 ka manao aia kou aupuni mamua ou i na!

apau o keia kaua ana» a e lilo hoi ia i no kakou i keia inau la o k.c ka.ua aua. I ka pio ana o#ieia nie-a he ololiain, !ie mea hoi ia e pii mahualiua ae <.y k|i ikaika o ko |lvakou aupuui. f i t