Ka Hoku o Hawaii, Volume XXXVIII, Number 25, 13 October 1943 — HOOLELE NA PUKIKI I NA MOKULELE AMELIKA [ARTICLE]

HOOLELE NA PUKIKI I NA MOKULELE AMELIKA

E hoike ana kekahi lono mai Lisbona, Pokukala mai, no ka haule ana iho o kekahi mau mokulele Amelika nunui ma Pokukal'a, mamuli o kekahi kumu a haawipio aku la na pailaka mamuli o ka haule ana i kela mau mokulele maloko o kekahi aupuni ku kaokoa.

Mahope iho o ke kaa ana aku o kela mau' mokulele malalo o' ke aupuni Pukiki, aole i loihi ilio ua lele hou ae la ua mau mokulele nei i ka lewa me ke kau ana 6 na hoailona o Pokukala a i hoolele ia hoi c na pailaka Pukiki. Aole nae hoi e hiki ke alo ae, no ka mea he aupuni ku kaokoa keia, aole hoi i komo i keia kaua honua.