Ka Hoku o Hawaii, Volume XXXVIII, Number 33, 8 December 1943 — He Poe Aa I Ke Kaua Ana [ARTICLE]

He Poe Aa I Ke Kaua Ana

K hoike ana kekahl lono mai kr kahua kaua mai ma Ikalia, no ka hoopiha ana aku o na'pualikoa Amelika ma Eu^opa.

Us. hoea aku nohoi kela niau pualikoa o na hanauna Kepani mai Hawail nei aku, eia nsge hoi ua kapa lakou. ia lakou iho he poe Hawaii a i ole he ma"u Amelika oiaio.

"He poe no lakou aole i makaukau loa i na loina o ke kaua ana, aka, he poe lakou e aa ana e kaua a he poe maikai nae hoi ma ke kaua ana, e like me na iono i heikeia mai. Ua nae hoi ko lakou aliikoa nui ia lakou, ma ke ano o ka lakou kaua ana aku i ka enemi. U-a hoea aku lakou me ko lakou mau lako kaua ame aahu, no ka mea he poe pokopoko lakou, a aole e ku ka lole o na koa haole ia lakou. Ua komo aku la 1-akou iloko o na laina kaua oiai na koa haole e nana aku ana ia lakou. A ua komo -aku la iloko o na kahua kaua oiai ka enemi e lioohana mai ana i ka lakou mau mea kaua, a e nee ana im'ua iloko o ke po-ho ame ka ua.

Ua hoike ae o koa Masakichi Gushi, /'ile paakiki nohoi ka nee ana imua." Ua halawai aku no lakou me na Kelemania, a ua hoohana aku iakou e like me ka hiki ia lakou ma o ka paio ana aku i ka enemi. • „7 Ua hookahaha ia aku na pio Kelemania i ka wa i īke mai ai i na koa Kepani. Aole e hiki ia lakou ke hoomaopopo. Ua nana mai lakou i na koa Kepani Amelika, me kela manao iloko o lakou he poe kumakaia keia, aka, ua pane ia aku la nae hoi ia lakou, he poe Amelika oiaio lieia.

O kekahi mea ane nui i ike ia e keia mau koa Kepani mawaho ae o ke kaua ana aku i na Kelemania, oi-a no ka nee ana aku iloko o ka ino, a ua maa lakou i ka mahana o ko lakou aina hanau. * Ua hoike ae- kekahi o lakou, "Nawai i olelo ae ua oi aku na Kelemania?" - "Aole e hiki ia lakou ke lanakila maluna o na Amelika." Ua hoike ae kekahi o lakou, aole e loihi ka manawa e pio ai na Kelemania.

MAI POINA i KE KUAI ANA I BONA KAUA. E kuai i kela ame keia manawa. Mai hoohala i ke kuai ana.