Ka Hoku o Hawaii, Volume XXXVIII, Number 35, 22 December 1943 — Ka La Karisimaka [ARTICLE]

Ka La Karisimaka

He mea maa mau i na makahiki i kaahope aku i ka hookomo ia o kekahi mau hoolaha maloko o keia wahaolelo, i ka wa e kokoke aku ai i ke Karisimaka. I keia mau makahiki mai nei no nae hoi, aole e hoopuka ia aku oia mau hpplaha. O na hoolaha e hookomo ia ana ia mau makahiki mai na poe like ole mai no ame na oihana Kalepa o Hilo nei, e haawi ana i ka lakou mau hoomaikai Karisimaka i na makamaka heluhelu o Ka Hoku nei, a pela nohoi i keia wahaolelo. Mamuli nohoi o keia ao hakumakuma e hekau nei maluna o kakou, a e like me ka rula a kauoha i hoopyjka ia ai, he manawa hoomakaulii keia, aole e hiki wale ke uhauha ia na mea apau, nolaila, ua hiki ole ia makoū, ke hana e like me ko makou makemake, oiai me ka paakiki no na pepa pa'i e hoea mai nei i o kakou nei. Nolaila, me kahi pilalahi uuku makou e hoomanawanui aku nei e hoea aku i ko oukou mau ipuka. I na makou e ano uhauha pepa w&le ana no, alaila, e komo mai ana paha o lakou ma, a papa mai aole e hoopuka hou ia aku keia wahaolelo, a o ko oukou neīe no ia i na mea nana e hoomalamalama mau aku i ko oukou mau home me na mea hou a oukou e ake nui loa mai nei e ike a e heluhelu pu nohoi, Nolaila, ku iho la Maliea la kakou, ma ka hoomau ana aku anei i ka hoopuka ana i keia wa'haolelo i mau ai ka loaa ana aku o na meahou ia oukou, a i ole e hoopuka aku paha ma ke ano i Wahi e pokole ai kona hoea ana aku imua o oukou? Ma ka noonoo akahele ana, ua manao makou he oi aku ka pono e hoouuku mai i kona aoao i mau ai ka po-ha mau ana aku o ka malamalama i oukou la.

Ua oi aku ko makou hoopuka ana i kahi mea lulii me ke aloha mamua o ka mea nui me ka loaa mai o na nuku ia ana. Nolaila, ma ko makou aoao, ke haawi aku nei i ko mākou aloha Mele Karisimaka īa oukou apau e ko makou mau makamaka heluhelu. O ke aloha no ka mea nūi ia kakou e ka lahui Hawaii, oia no kai oi ae mamua o na mea apau. Ke hoomohala aku nei i ka makou MELE KARISIMAKA IA OUKOU apau, a e mau aku nohoi ka pilipaa mau ana o ke aloha o kakou apau i ka kakou wahaolelo i apau. E like me KANA i haawi mai ai ia kakou i Kana Keiki Hiwāhhva no kakou, no Kona aloha i ko ke ao nei i loaa af ia kakou ke ola mau loa, pela nohoi kakou e haawi aku ai i ka kakou NONA ame na poe i nele a hune. • Ua lawe kakou i keia la he la no ka haawi makana' ana aku i kou hoaloha, kau mau keiki ame kou ohana no apau. O ka Makana kiekie loa hoi i haawiia mai na kakou. oia no ke keiki hiwahiwa, i hele mai i ko ke ao nei. 1 make no kakou no na poe hewa. Heaha, hoi ka e haawi makana aku ai no ko kakou Aupuni? E haawi aku kakou i kekahi makana pookeīa no ko kakou aupuni, ma o ke kuai ana i na Bona Kaua, 1 mea e hoomahuahua ia ae ai ka ikaika o ko kakou aupuni ma na lako kaua. O keia ka makana Karisimaka ano nui a kakou e makana aku ai no ko kakou aupuni, aole wale 110 nia ka ta Karisimaka e hoea mai ana, aka, i na manawa no apau, a hiki i ka loaa ana o ka lanakila. Oia no ka makana pookela a kakou e ake aku nei e loaa niai ia kakou. Aole he makana e aku a kakou e iini nei e loaa mai, Ua oi aku ia mamua o tia makana e ae e loaa mai ana ia kakou. O ka loaa ana o ka lanakila a noho alii hou ka maluhia maluna o ke ao holookoa oia ka makana pookela loa i ko kakou ola ana i keia mau la.

Oiai no nae hoi t e iini ana no kakou i kekalii mau makana e ae e like me ia e loaa uiau nei ia kakou i na makahiki l kaahope aku, aka, aole nae hoi ia i keia mana|\va. O ka makana Karisiuiaka ano nui ipa a kakou e ;iini aku nei, oia no ka makaaa Karisiinaka| o ka iauakiia, |I na aole e loaa ia kakou.ka aole e hauoli i aka. i na e loaa ka lanakila, e nui ana ko kakou liauoli, Me hauoli hoi e hiki ole ai, ke huna ilio iloko o ko kakou mau puuN\ ai pakahi, aka» e hoike ae aua ja i ke akea. Nolaila, e haawi aku i kau makaiia katyiimaka no ka loaa i ko kakou aupuni ka lanakila. f ,