Ka Hoku o Hawaii, Volume XXXVIII, Number 37, 5 January 1944 — Ka Makahiki Hou [ARTICLE]

Ka Makahiki Hou

Hauoli Makahiki Hou no kakou e ko makou mau makamaka heluhelu, Ua hoea maila kakou i keia makahiki hou, a ua hala aku la hoi ka makahiki kahiko me kona mau mea apau, a e līke nohoi me kpna nalo ana aku la, pela no auanei hoi e nalo pu aku ai na mea maikai ole apau, a o na mea maikai oia ka kakou e paa mai. E like nohoi md ka nee ana mai a komo aku la kakou iloko o keia makahiki hou, pela nohoi kakou e upu mau aku ai i na mea maikai apau. E lilo nohoi keia makahiki i makahiki oi ae ia kakou mamua o na makahiki i kaahope aku aku. E hoololi pu nohoi kakou i ke ano o ko kakou ola ana i keia makahiki, i na aole kakou i 'hoomanao mau aku laia i ka makahiki i hala e hoololi ae hoi kakou 1 ke ano o ka kakou hoomanao ana laia, oia hoi, e hoopoina i na mea maikai ole au i hana ai i ka makahiki i hala aku la, a hoolilo ia oe i mea e haawi ana i kou ikaika apau a e hana ana hoomana ana hoi i ka Makua Lani. I na nohoi he mea oe i hoomanao mau laia i ka makahiki i hala e hooi loa ae hoi ia mau hana maikai au i hana ai. Ē hoolilo pu hoi ia oe i mea nana e alakai āna i na hana maikai oi ae a e lilo pu hoi oe i kukui nana e hoomalamalama aku i kou hoaloha a e hoololi ae hoi i ke ano o kona ola ana ma keia makaKiki. Aole oia wale e lilo pu hoi keia i makahiki oi ae ma ka kakou kokua ana ma na hana kokua i ko kakou aupuni E lilo pu hoi keia makahiki i makahiki no kakou e hooi aku ai i ka haawi ana i na leopule no ka lanakila ana o ka pono maluna o ka hewa. E lilo pu keia makahiki i makahiki hou ame a'u e hoopau ai i ka manao akiaki wale i kou hoa kanaka a i ole kahunapule paha. Mai nana hoi ī ke kanaka mapuho wale no, aka, e nana iaia maloko o kona kino, malia paha aole no kekahi kahunapule i makaukau loa ma kana haiolelo ana mai, aka, ma kekahi mahele e ae, aia ke aloha iloko ona kahi i hoopunana ai, a e loaa mai auanei ka hua maikai mailoko mai ona. Ua oi ae oia mamua o ke kanaka makaukau i ka haiolelo aka nae hoi aia iloko ona ke ano makona. E lilo hou ka makahiki 1944, i makahiki no kakou e hana like ai.