Ka Hoku o Hawaii, Volume XXXVIII, Number 38, 12 January 1944 — He Manaolana E Loaa Ana [ARTICLE]

He Manaolana E Loaa Ana

Ma kekahi manawa ae nei, ua hoolaha ia ae kekahi mau mea e pili ana |*na uku hana o na kumukula a puni keia Teritori, no ka mea ua makemake ia e hoomahuahua ae i na uku o na kumukula, mamuli o ka pipii loa o ke kumukuai o na mea ai a pela nohoi me keka'hi mau mea e ae e pono ai ka nohona home ana. Mamuli o keia ua manao ia e kahea iā 1 kau kuikawa o ka ahaolelo no ka lawe ana ae a noonoo i keia kumuhana. Aole nae hoi i.kulike loa ka manao o na Solona

no keia ninau. Ua hoike ae kekahi poe, he hoonui lilo

wale no ke kahea hou ana i ka ahaolelo kuikawa. O kekahi poe h»i ua hoike ae lakou aia ke kuleana hooponoo na kumukula ike kiaaina. Ua manao ia nohoi e hiki ana no i ke kiaaina ke hooponopono i keia mamuli o ke Kanawai Kupale. *Ma kela pule aku nei ua akoakoa aku la na komile kumau o ka ahaolelo me ke kiaaina, a o ka hope i lohe ia mai, ua noonoo ke kiaaina, ua hiki no keia pilikia ke hooponopono ia, me kona hoike ana ae aole hoi e haawiia aku ka ukuhana o na kumukula ame na limahana Teritori, Kulanakauhale ame Kalana ame na Kalana ma ō ka haawi ana i uku leleoi o $50.00 o ka mahina, aole hoi ma na pakeneta no Jca uku makahiki o na kumukula. • E hoike ana nae hoi ka lono aole i komo aku ka oihana makai o Honolulu ame na hoa o ka Oihana Kinaiahi no ka mea ua hooponopono ia iho nei ko lakou mau ukuhana ma keia kau iho nei o ka ahaolelo. I na holo io mai ana keia mea, alaila loaa kahi manaolana no ka hoopau ia ae o na pilikia o na kumukula ame na poe e paa nei-i na oihana aupuni Teritori. O kahi mea wtale no paha i koe, i na paha no ke kiekie ka hoolilo no na mea ai o keia manawa i hiki 6le ai ia lakou, uku aku me na uku'hana e loaa nei ia lakou, o ka makou noonoo nei, i na e hiki ana ke haawi ia aku i $50, a pehea hoi na poe e loaa nei na uku hoomau o $30 o ka māhina?

Aole i lawa kela wahi huina no ka ohana e ola ai o ka mahina hookahi. E like me ka pipii o ke kumukuai o na mea ai ? ilāilā iho la no pau loa ua wahi uku hoomau nei, aole loa i lawa no ka mahina hookahi. Aole 'hoi makou e hoohalahala ana a i ole hoino aku i ke kiaaina, aka, he hoakaka wale aku no ka makou. f na nae hoi e loaa ana ka uku kaulele o $50 o ka lakou pomaikai nohoi ia. O ka makou nae hoi e iini nei e noonoo pu ia mai e loaa nei na uku hoomau haahaa e like me $30.00 o ka mahina. He mea pono no paha e noonoo ia keia poe, aka, nae hoi aole ia makou ia kuleana. He hoomalamalama wale aku no ka makou, i na loaa ana ia pomaikai i na poe e loaa nei na uku hoomau haahaa, e pomaikai pu ana nohoi lakou. Mawaho ae o keia ke upu a ke iini nei hoi makou e holopono ana na mea a ke kiaaina e hooholo ai. Ma kana mea e hooholo ai oia ke hooko ia, aole he hoohuakeo mahope aku oia mea. O ka hana pono wale no ia e holomua ai na mea apau, e like me na mea e hooholoia ana o ka kakou ia e apo mai ai. Aoīe o ke kuaki a nuha paha no ka loaa ole mai o kahi mea nana e hoomama ae i ka pilikia oka nohona home ana. M | I na aole e pau koke keia kaua, p ka hana pono wale no e hoomanawanui a noho hou mai ka ahaolelo ia wa e noi aku ai i na hoa o ka ahaolelo e puka mai e hoomanao mai i na poe e loaa nei na uku hoomau haahaa.