Ka Hoku o Hawaii, Volume XXXVIII, Number 40, 26 January 1944 — He Pane No Ka Ninau "Makapo" [ARTICLE]

He Pane No Ka Ninau "Makapo"

Mr. Lunahooponopono, Aloha nui oe. E oluolu oe e hookomo iho iloko o ka hiwahiwa a ka lahui Ka Hoku Hele o ka Pakipika, i wahi e ike ia mai al na olelo a na hoa o ka papa Lunakiai o ke Kalana o Hawaii no ka ninau, * E Uhi i one eleele malun-a iho o ke one keokeo, ma ke ano hoopakele i ka maka o na keiki kuia, kumukula, ame ka lehulehu pu no, na nurse pu kekahi. Ua olelo lakou mahope pilikia ka maka o na keiki."

Pehea, ua hewa anei ka hoao ana ae e hoopakele mamua o ka hiki ana mai o ka pilikia nui? Aka, o ka ninau nae a kekahi o na hoa o ka papa Lunakiai i ninau mai ai i ko Kona Lunakiai. a oia iho keia: . "Ua makapo anei na maka o na keiki o Milolii, hele Kula?"

"Aole no ka makapo ana a oia ke kumu o ke noi i waiho ia aku ai ke noi no ka hoopakele, aka, "he pakike mai ka haina". E hele oe i ka mea nana ka ninau hupo, aole a ku ka ihu i ka hamale *a ka Naita Ilihune o Mauna Huihui, a oia ko wa e hamama ai ko waha e like me "Io" i ka pa ana i ka pohaku a nui ka waha i ka alala me he kamaiii ai waiu aia.

Ke kono nei keia makapeni, e hele mai me ko kauka, a o kana olelo hooholo e olelo <ana, aohe pilikia o ka maka i keia one keokeo, that's my final. E hele e ike nou iho aole o ka holo kaa wale no a pae i Kona Hospital, a. hala m-aila o Milolii i hope nei. No keaha ke kapae ana? Ans. Small Votes. Ke hooki nei keia maka peni me ke aloha i na hoa o ka papa Lunakiai ame ka Lunahoomalu o ke Kalana o Hawaii. Me oe pu e ka Lunahooponopono ko*u welina pu ana.

Kou oiaio, Mr. Naita Ilihune, Milolii, Hookena, Hawaii, lanuali 20, 1944.