Ka Hoku o Hawaii, Volume XXXVIII, Number 46, 8 March 1944 — Ke Koa Wiwoole [ARTICLE]

Ke Koa Wiwoole

Ualoaa maila kekahi lono i Hawaii nei maj Ēuropa niai e hoike ana i ka hana wiwoole a kekahi o na koa Amelika a hanauna Kepani hoi, a ua lilo Ja i mea w&laau nui ia e na alukoa o kona puali, a lilo nohoi oia i mea nui loa iloko o kona mahele kaua, O ka mua o na 'hana wiwoole a keia Kepani opio oia no kona hoopakele ana i ko lakou Mekia mai ka lilo ana i moepuu na ka make mai na Poka mai a na Kelemania. - . la lakou i nee aku ai no ka paio ana aku i ka enemi ; aia hoi ua kaa loa aku ka Mekia mamua a ua komo 100 aku iloko o ka laina o na Kelemania, ua ki ia mai oia e na Kelemania a ku i ka poka a hina iho la oia ilalo. 0 kahi wale no o kona pakele, oia no ua haule; iho la kone kino mahope o kekahi wahi puu pohaku a oia ke kumu c kona ki ole ia ana ma kona poo. I ka ike ana o keia Kakiana Kepani o Hisaoka kone inoa i ka poino o ka Mekia, ua hoao aku la oia e hele e hoopakele i ka Mekia, laia nae hoi i hookokoke aku a; ma kahi e waiho āna ke kino o ka Mekia, o ka wa nc ia o na poe Kelemania ki pololei i ki mai ai a pela noho me ke kaa kaua e hookokoke mai ana ma kela wahi nolaila, ua hiki ole iaia ke hoopakele i ka Mekia. Ua ho hou aku la oia i hope a noonoo i kana hana pono e han; ai i pakele ai ka Mekia. Ua hooholo iho la oia e eli aku i auwahaa hiki kāhi e waiho ana ka Mekia, ua hoomaka iho la oia e el a ua hiki aku paha ma kahi 0 ka elima i-a ka loa o kan€ auwaha i eli ai, ahe 18 i-a aku ka loa i koe. Ua kiola ihe la.oia i kana kopa-Ia a kokolo hou aku la no kahi o ke Mekia. I kona hoea ana aku malaila, ua olelo aku la oia "E ka Mekia e kaualako ana au ia oe." Ua pane maila ka Mekia, "Aole o'u nana pehea oe e hana ai, aka, hookaawale koke aku ia'u mai keia wahi aku." Nolaila, ua lalau iho la ua Kakiana nei i na wawae 0 ka Mekia a kaualako aku la iaia a haule iho la iloko e ka auwaha ana i eli ai. Ua kii aku la nohoi oia i manek a lawe maila a kaikai ia aku la ka Mekia a kaa mahope e ko lakou laina kaua a pakele oia a hoihoi loa ia aku ne ka halemai. Aole malaila wale no pau kana hana hoopakele, aka. ma kekahi manawā okoa aku no ua hele aku oia me ke kahi mau hoa koa ona a komo loa aku la no oia i ka laina o na Kelemania, a o ka hopena ua loaa i kekahi o lakou ke palapu mā o ke ku ana i ka poka a ka enemi, a hana hou no keia kanaka opio i kekahi hana wiwoole ma o ka hoopakele ana i kona hoa. Uā lalau oia i kela koa i eha a auamo aku la iaia a halihali aku la a hiki i ke komo ana iloko o ko laina kaua. lleona manawa keia i nana ia ai i na paha ua ku oia 1 ka poka, ua ike ia aole oia i eha. Ua lilo iho la ia i mea kamailio nui ia e kona mau aliikoa, no kona aa awiwoole, 'Ua lilo nae*hoi kana hana i mea e poina ole ai kela Mekia, a ua hoopuka ia na o'elo e mahalo ana i na Amelika o na hanauna Kepani. E lilo ana paha ka hana a keia mau opio e lawelawe mai nei i mea e hoopoina ia ai kela ninau pili i na Kepani. Ua hoike aku nohoi keia mau opio i ko lakou ano Amelika oiaio maoli a ua makaukau mau lakou e paio aku i ka enemi i na wa apau no ka loaa wale r.o o ka lanakila i ko lakou aupuni, O na hana a keia mavt opio ua lilo ia i mea e haaKeo ai na poe o Hawaii nei no ka mea ua kapa iho no lakou iho he poe Hawaii, a no ka mea nohoi ua hanau ia lakou ma Hawaii nei,E kau mau aku nohoi ka kakou upu ana e lanakila a e holopono ka lakou kaua ana aku i ke enemi.