Ka Hoku o Hawaii, Volume XXXVIII, Number 48, 22 March 1944 — Ko Maua La [ARTICLE]

Ko Maua La

NA KAIMAIINO

Malaki 11: Ua kelepona mua aku no wau i ka Beauty Shop i nehinei no ko'u hiki aku e hoomimilo lauoho, & ua oleloia mai i'au e hiki •aKu i ka hola umi o keia kakahiaka. Apau na hana 'o ka home, ua hoomakaukau au no ka hele ana no Shop. Hoea aku. au he hookahi lumi i koe. Ua komo koke aku no wau a ua noho no kekahi manawa,. no ka mea, he nui no ka h-ana e hana ia mai ai no' kou lauoho; Hoi iho no hoi, he nui na wahine ame na kaikamahine e. h-oomimilo 'nei i ko lakou mau lauoho. _ Pau ka hoomimilo lauoho ana ua hoi a hoomakaukau no ka hele ana aku no Waimea, no ka mea, aia malaila ka maua jpule o keia &abati. O ko'u hoa hoi, ua kakali oia no ka hele ana mai o kekahi paa male no ka maleia aku eia. Ua hiki mai keia pa-a male, o Harry Kaupu Kamaka ame Mary Fujihara, i ka "hola ekahi me ka hana a ua male ia laua ma ko maua home. He nui no na hana kakau no na paa male a i ka pau ana, ua hoi aku laua me ko laua mau hoike. A no makou hoi ua hele aku no Waimea. Maikai wale no ka makou hele ana a hoea i Wauneaā ka. hola eha me ka hapa. Malie o Waimea, aole makani a aole nohoi huihui e like me ka maa mau.

Ua hoi aku maua ma ka home o Mrs. ame Mrs. Harry Kawai. 0 Mrs. Kawai 'ke Kahu Kula &abati o ka Ekalesia o Imiola a o kana kane, Mr. Harry Kawai, oia kekahi lun*a. Ekalesia. No ka maikai no o na' hana pela no e maikai ai ka nohona home ana o keia mau opio. Ma keia po ua al-a aku makou e hoonanea a hiki 1 ka hola hoopouliuli, Ua hoi aku makou e hooluolu.

Ma ke kak-ahiaka Sabati ae, ua paina a hoomakaukau nō ka hele ■ana i ka puie. Ua hele mua aku o Mr. ame Mrs. Kawai no ka meo, e like me ka mea, i hoike ia maluna ae, o Mrs. Kawai ke Kahu Kula Sabati. I ko maua hoea ana aku ma ka Hall, no ka mea, aia malaila, ka lakou Sabati, akahi no a hoomaka na hana. Ma ka Hall, i ua hui meia mau hoaloha o maua, Mr. ame Mrs. Harold Baybrook, i noho mua i Kona. Eia keia mau hoaloha haole ke hēlfe nei ma ka Ekalesia o Imiola; a ua komo aku laua ma na hana apau o keia Ekalesia, Ina nohoi he nui na hoaloha e like me kei-a mau makamaka. Ua komo pu aku maua iloko o na hana Kula Sabati. Piha no na papa i na keiki, a o kekahi papa no n& koa Amelika, Na ka Rev Desha i a'o i keia papa, a ma ka'u hoolohe aku i ka lakou kukakuka ana, ua paa na moolelo o ka Baibala ia lakou, e hoike mai ana iie poe hele pule no lakou. Ua piha ke anaina pule i na makamaka ame na koa Amelika. Maikai na hana o ke naina pule e Hoohauoli mai ana i ka uhane.