Ka Hoku o Hawaii, Volume XXXVIII, Number 50, 5 April 1944 — Eia Hou No Ia Mea Kauoha Nupepa [ARTICLE]

Eia Hou No Ia Mea Kauoha Nupepa

Ma kekahi la o kela pule akū la ka lunahooponopono me kekahi o kona hoaloha a e noho ana kekahi Kahunapule Kakolika me ua hoaloha nei, a ua aloha aku a aloha mai. Ua hoohele kamailio ae la makou a puka ka olelo Hawaii, a hoike aku la keia hoaloha i na mea e pili ana i ka u oihaha, oia hoi he lunāhōoponopono no ka nupepa Hawaii, a ua pane koke maila no ua kahunapule nei no kona makemake ana e lawe i Ka Hoku O Hawaii, a o ka haawi maila no ia i kona inoa ame ka helu o kana Pahu Leka. . .' ". '

Nolaila, he Hipuakea keia, ua makee nae hoi a ua iini e loaa ka makaukau i ka kaua olelo makuahine. A hiki i na Haole ke lawe i ka nupepa Ka Hpku O Hawaii a !iio ia i mea hoonaauāo aku ia lakou i ka kaua olelo, pehea hoi kakou ka lahui nana keia olelo?

Eia na Hawaii ke hoohemahema nei a hoomaopopo ole nei i ka kakou olelo ponoi, a loaa ole kela iini e loaa ka makaukau i ka olelo ana a heluhelu pu j ka kakou olelo. He nui na Hawaii i kapa ia lakou iho he poe Hawaii, a i ka wa e olelo ia aku ai ma ka olelo makuahine, he hoka mai hoi kau, ua kuli loa iho la ka pepeiao, me he mea la, aole oia he Hawaii.

O ko na lahui e, e hoao ana a iloko no oia pahemahema o ka olelo ana i ka kaua olelo aiakuahine, e hoomanawanui ana a hiki i ka poeko loa ana i ka olelo Hawaii, a huli maila kekahi o lakou a a'o i na keiki Hawaii i ka lakou olelo ponoi.

O keia paha kekahi o na kanaka mua loa o keia hoomana i lawe ae la i ka nupepa Ka Hoku 0 Hawaii. He mea keia na kakou e noonoo ai me ke akahele loa, a e a'o i nā keiki" a kakou 1 ka olelo makuahine, mai kali hoi a hala ka manawa kupono, alaila mihi mahope aku. "Iluna no ka ua, waele e ke pulu." Oiai i ka wa opiopio no o ke keiki, a'o aku i ka olelo Hawaii, a i nui ae ia, ua makaukau a walewaha kr> kaua olelo.

Nolaila, e hoomaka no i keia manawa, aole he hoopaneenee hou ana aku.