Ka Hoku o Hawaii, Volume XXXVIII, Number 51, 12 April 1944 — Awaiaulu Ia Ma Honolulu [ARTICLE]

Awaiaulu Ia Ma Honolulu

Ma kela pule aku nei i haalele iho ai p William W. Brown, o Hiio nei, no Honolulu, no ka hoea ana aku no ka wa e awaiaulu ia ai kana kaikamahine o Miss Earbara Beverly Brown nxe Mr. Perry o Honolulu. Ma ke kakahiaka o ka Poakolu aku nei i hoohuiia ai laua ma ka berita maemae o ka mare e ka Rev, Ēdward Kahale, ke kahu o ka Ekalesia o Kawaiahao. Ua hoonaauao ia o Miss Brown ma Hilo nei a puka mai ke kula kiekie niai o Hilo nei a hoi aku no ka hoonui'ana ae i kona naauao, a noho hana mai nei me ke Dearborn Chemical Co., o Honolulu. Mahope iho o ka mare ia ana o kana kaikamahine i lvuli hoi mai ai o Mr. Brown no Hilo nei me kekahi o kana mau kaikamahine ame kona kaikuahine me Miss Louis M, Brown.